Login to your account

Username *
Password *
Remember Me

PNTL Aviza ba Manifestante Tenke Respeita Regra

Aliansa Maubere Nasional (AMN), ne’ebé hala’o hela manifestasaun iha Parlamentu Oin. Aliansa Maubere Nasional (AMN), ne’ebé hala’o hela manifestasaun iha Parlamentu Oin. Foto Suplay

Tempotimor (Dili)-Komandante Polísia Nasionál Timor-Leste (PNTL), Munisipiu Dili, Superintendente Xefe Henrique da Costa aviza ba Manifestante husi Aliansa Maubere Nasional (AMN) tenke disiplina hodi respeita regra manifestasaun nian.

Tanba direitu ba manifestante sira atu halo kritika ba ukun na’in sira, maibé tenke disiplina kumpri ba regra labele uza asaun brutalizmu hodi sobu estadu, tanba Timor-Leste ema hotu nian.

“Manifestante sira, disiplina ne'e importante, uza brutalizmu laiha solusaun, Timor-Leste ita-nia hotu, Dili ita-nia, mai ita hotu garante paz no estabilidade se ita uza brutalizmu, ita uza forsa ita sei la hetan solusaun ida, tanba ne'e husu ba alin sira, imi iha direitu halo manifestasaun maibé labele haluha katak regra lei kesi ita”, dehan Henrique iha kna’ar fatin Kaikoli, tersa (08/11).

Bainhira AMN halo manifestasaun la kumpri regra, lei fó dalan ba autoridade seguransa PNTL hapara, maske lei proteze sira, maibé kontra regra tenke halo atuasaun hapara manifestasaun.

“Manifestasaun la kumpri regra, ne'e sira hatene katak ita sei hapara sira, tanba lei fó dalan ba autóridade polísia hodi halo ida-ne'e. maske lei mós fó dalan ba sira atu espresa sira-nia hanoin, maibé ita hakarak buat hothotu la'o livre la'o seguru tantu sira ne'ebé halo manifestasaun tantu sidadaun sira ne'ebé halo movimentu, nune'e labele iha ida impede fila fali ida nia atividade, entaun ita-nia prezensa tantu tránzitu, forsa rezerva, eskudra Vera Cruz, unidade espesiál Polísia, iha para asegura”, esplika nia.

Tanba ne’e komandu PNTL kontinua akompaña hodi garante seguransa ba manifestante sira iha kampu UNTL atu labele iha perturvasaun orden públiku labele hakat liu estrada.

Iha semana kotu pedidu ida husi Aliansa Maubere Nasionál (AMN), hatama ba komandu PNTL Munisípiu Dili, maibé ba Komandu Jerál PNTL husu tenke aprezenta karta pedidu.

Nune’e pedidu manifetasuan sira hatama mai iha semana kotuk, maibé depois aprezenta ba Komadante Jerál nia orienta para sira-nia pedidu ba direita Komadante Jerál PNTL, entaun iha loron sesta 04/11, bolu kedas sira-nia Portavoz mai iha ne'e fó karta ne'e hodi haruka sira ba liu komandu jerál.

“Agora dadaun ita akompaña sira halo hela sira-nia atividade maibé sira iha kampus laran, ita nafatin fó hanoin ba sira atu sira labele okupa sai mai dalan públiku pois ita mós informa ba sira-nia Portavoz no ema sira responsavel ne'e tenke ba hasoru malu ho komandu jerál PNTL atu kombina, hanesan Operasionál iha Terrenu ita nafatin garante Seguransa ba sidadaun sira, atu nune'e bele espressa sira-nia hanoin maibé labele haluha katak ita iha lei atu regula ita”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter