Tuir informasaun ne'ebé www.tempotimor.com asesu iha pájina ofisiál FALINTIL-Forsa Defeza Timor-Leste F-FDTL katak, iha Jakarta-Indonésia Ministério de Defeza no FALINTIL-FDTL, simu konvite husi Minístru Defesa Repúblika Indonézia Tenente-Jenerál (Ref) Prabowo Subianto, hodi bele assiste eventu refere.
Ho ida-ne’e, delegasaun Timor-Leste, lideradu direita husi Vice Chefe Estado-Maior General das FALINTIL-FDTL, Major-General Calisto Santos (Coliati) ba partisipa iha eventu refere to’o remata.
Iha eventu INDO DEFENCE EXPO & FORUM 2022, delegasaun hala’o vizita ba “Hall ou Pavilhões” de Industria de Defesa e Ekipamento Militares sira ne'ebé hola parte iha eventu refere hanesan, Industria de Defeza husi Indonézia rasik no rai-seluk, ne’ebé kompostu nasaun hamutuk 32.
Tanba, eventu refere ho objetivu atu halibur industriu defeza sira hotu iha mundu, atu mai hatudu sira-nia produtu sira relasiona ho armamentu, veíkulu, rádiu telekomunikasaun no materiál militar sira. Iha tempu hanesna mós, hatudu demo de kapasidades liuhusi ekipamentu no armamentu ne’ebé produz ona ba partisipante hotu.
Iha parte husi vizita ba Hall ou Pavilhões sira, delegasaun Timor-Leste, halo mós vizita kortezia ba omólogu sira, hanesan Ministériu Defeza Repúblika Indonézia no institutu balun ne’ebé iha ona ajenda vizita, hodi komprimenta malu, no ko'alia oituan kona-ba kooperasaun ne’ebé la'o hela entre rai rua, partikularmente iha ámbitu defeza no seguransa. (*)