"Ohin nimu boña hodi sai família boot Unidade Espesiál Polísia (UEP) hafoin partisipa kursu báziku eskoltu hodi hasa’e koñesmentu no abilidade hodi hala'o servisu operasionál iha terrenu ho profesionál no proporsionál tuir prosedimentu ne’ebé iha oinsá fó protesaun ba alta entidade sira", dehan komandante UEP, Supertintendente Xefi Polísia, Orlando Gomes, iha Kuartel UEP Bairo-Pite, kinta (27/10).
Tanba, objetivu hosi treinamentu ne’e atu fó asisntesia seguransa ba alta identidade sira wainhira hasoru situasaun krusial ruma.
“Ohin imi konklui ona treinamentu fiziku ho Marça corrida ba etapa dahat nian durante fulan ida ne’ebe hahú kedas hosi teknika patrullamentu apeadas ka la’o-ain, monta ekipamentu espingardan (shotgun), tiru presijaun no reaksaun kona armas, tanba imi sei sai hanesan autór prinsipál atu fó protesaun ka evakuasaun ba alta entidade sira, nune’e presija trenu tékniku ba seguransa pesoál ninian",
Treinamentu ida-ne’e importante tebes liu-liu ba membru CSP sira atu iha koñesementu no abilidade di’ak atu ezerse funsaun seguransa nian, tanba membru tomak iha responsabilidade ba ida-idak nia funsaun, maske sira hetan ona formasaun téknika no tátiku presija mós abilidade fizika no psikolójiku iha formasaun auto defeza.
“Formadór sira ne’ebé sai instrutur ba kursu ne’e, timor oan sira husi membru UEP no CSP rasik no ita hetan apoiu orsamentu hosi TLPDP liu hosi kooperasaun Ministeriu Interior no Komandu Jeral PNTL atribui mai UEP hodi realiza kursu ba membru hirak ne’ebé mai husi Kontijente Jerál, BOP, COE no Pelotaun Apoiu Servisu hodi hasa’e tán koñesementu kona-ba tékniku no táktiku Seguransa Pesoál nian", nia dehan
Nune’e, persija aumenta nafatin kapasidade no skill iha situasaun balu ne’ebé mosu, atu membru CSP sira preparadu ona halo atuasaun no la dúvida lori VIP sira ba fatin ne’ebé seguru.
Komandante UEP hamutuk ho Komandante BOP, Superintendente Asistente Silveiro de Araujo mós bolu membru na-in-rua, simbolikamente hodi taka boña enkuantu restante ne’e Segundu Komandante UEP, Superintendente Damião Correia, Komandante CSP, Inspetor Xefi Marcos Soares Lopes, hamutuk ho instructor sira maka taka boña ba membru sira seluk. (*)
