Login to your account

Username *
Password *
Remember Me

PNTL sei la Tolera Bus Tula Pasajeiru liu Kapasidade

Bus ida, ne'ebe antes ne'e baku fila iha Mantutu. Bus ida, ne'ebe antes ne'e baku fila iha Mantutu. Foto Suplay

Tempotimor (Dili)-Polisia Nasionál Timor-Leste (PNTL) deside sei la tolera kareta Bus transporta pasajeiru ba Munisípiu liu kapasidade.

Tanba haree ba esperensia sira iha tinan hirak liuba, pasajeiru sira tur iha karreta leten, sempre hetan dezastre.

“Komandu mós tau atensaun ba karreta na'in sira, liu-liu ba Bus sira atu labele tula pasajeiru sira iha karreta leten iha ambitu selebrasaun finadu ne’ebé balun hakarak selebra iha munisípiu,” dehan Portavós Komandu Jerál Polisia Nasionál Timor-Leste (PNTL), Superintendente Xefe Arnaldo de Araujo liu husi Konferensia Imprensa iha Komandu Jeral PNTL Caicoli, kuarta (26/10).

Tanba ne'e, sei la tolera pasajeiru sira tur iha kareta Bus leten, tanba bainhira tur iha karreta leten balun bele monu tún kanek no lakon vida.

Nune’e, PNTL apelu ba motorista sira ne'ebe kondus transporte públiku, labele tula pasajeiru sira liu hosi kapasidade karreta nian.

Bainhira motorista sira la kumpri, hetan sansaun selu multa, tanba aktu kondutór tula pasajeiru liu kapasidade karreta ne’e konsidera inflasaun.

“Ha’u hakarak apela ba komumidade tomak ida-dak tama ona iha finadu, bainhira movimentu ba iha munisípiu tenke la'o didi’ak, tanba dadaun tama ona iha tempu udan bele kauza rai monu”, nia haktuir.

Aleinde ne'e, husu ba komunidade sira bainhira ba tau aifunan iha rate, atu labele hemu tua hodi Evita problema no kontribui ba pás no estabilidade.

Komandu Jerál mos deside ona atu fó orientasaun ba Komandante PNTL iha Munisípiu sira atu bele asegura nafatin komunidade sira ne’ebé halo movimentu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter