Print this page

PNTL Sei Demite Membru Na'in-Ida

By October 26, 2022 936
Membru Konsellu Superior PNTL) hala'o hela reuniaun, iha edifísiu Komandu Jerál PNTL Kaikoli, kuarta (26/10). Membru Konsellu Superior PNTL) hala'o hela reuniaun, iha edifísiu Komandu Jerál PNTL Kaikoli, kuarta (26/10). Foto Suplay

Tempotimor (Dili)-Polisia Nasionál Timor-Leste (PNTL) liuhusi reuniaun Konsellu Superior deside ona atu demite membru na'in-ida, tanba la tama servisu (falta) durante loron 120 nia-laran.

Ispetor Jerál Komandu PNTL, Superientedente Xefe Carlos Jerónimo, hatete kona-ba prosesu disiplinár ida-ne'e tuir loloos aplika ba membru na'in-rua, maibé na'in-ida mak konsege tama iha prosesu demisaun no ida sei pendent, tanba faktu balun seidauk klaru.

"Kona-ba sira ne'ebé falta servisu, ami ohin konsege hala'o deskusaun, ohin ami ko'alia de'it kona-bá sira na'in-rua ne'ebé halo ba iha prosesu disiplinar nian kona-bá demisaun, demisaun ne'e iha ida, no ida fali prosesu deskusaun sei pendente," dehan nia iha edifísiu Komandu Jerél PNTL Kaikoli, kuarta (26/10).

Tanba, regra normal kona-ba la tama servisu, tuir loloos, dala-ida ka dala-rua no labele to'o fali loron 120.

Maibé, felismente iha relatoriu ne'ebe aprezenta iha reuniaun Konsellu Superior, hatudu entre membru na'in-rua ida falta to'o fali loron 120.

"Entaun liu ona norma, ohin aprezenta kazu ne'e mai halo diskusaun, eh akontese iha diskusaun ne'e rasik, ida mak liu ba prosesu demisaun eh ida seluk sei pendente," afirma nia

Prosesu halo demisaun ba membru indisiplinar ne'e, konserteza sei hala'o liuhusi prosesu ida no parte departamentu justisa mak sei prepara relatoriu no aprezenta ba konsellu superior, depois Konsellu Superior fahe ba membru konsellu superior sira atu haree no tetu hodi deside.

Tanba ne'e, husi prosesu indisiplinar ne'ebe membru na'in rua komete, ida hetan demisaun no ida seluk sei haree atu deskute fali iha konsellu superior.

Ho desizaun ne'e, komandu jeral PNTL sei halo proposta hodi aprezenta ba Ministériu Interior atu foti desizaun final. (*)

Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items