Intensaun husi akordu kooperasaun governu Timor-Leste ho Militar husi nasaun Estadu Unidus, Austrália ho Nova Zelándia ne’e, atu regularija ezersisiu konjunta.

"La’os primeira vez, tama sai iha ne'e ho kilat, ita haree iha ezersísiu konjuntu sira ne'e, ho forsa Amerikanu, Australianu no New zeland sira mai iha ne'e ho kilat, presija ita regula , tanba ne’e SOFA ne'e regula, mai iha ne'e ho kilat halo buat ruma sé mak tesi lia, tribunal ne'ebé mak tesi, tribunal Timor ka sira nia, ida ne'e ita regula, portantu ne'e nesesariu mais quer dizer sira tama sai iha ne'e avontade,” dehan Ministru Defeza, Filomeno da  Paixão de Jesus hafoin reuniaun Konsellu Ministru iha Palasiu Governu, kuarta (12/10).

Tanba ne’e, bainhira forsa armada husi Nasaun Amerikanu, Australia no New Zeland mai Timor-Leste ho kilat atu servisu kona-ba ezersísiu konjunta iha área militar nian, akordu SOFA mak sei regula.

“Akordu ne’e, iha nia regra forsa armada husi nasaun rai liur sira tama sai iha teritoriu Timor-Leste atu regulla sira nia hahalok ida ne’e mak dehan SOFA ne’e,” nia esklarese

Nune’e, estabelese ona akordu SOFA koopersaun ezersisiu konjunta ho forsa armada nasaun hanesan Estadu Unidus, Austrália ho Nova Zelándia no ba oin sira sei servisu hamutuk ho forsa Timor-Leste. (*)