“Ha’u haree duni agora sira halo hela kontrusaun ba ró ne’e ida remata ona no iha ida seidauk, maibé sira promete ba ita katak, iha tinan oin fulan ikus dezembru entrega ona ba ita atu uza halo servisu,” dehan Ministru Filomeno, hafoin remata enkontru konsellu Ministru iha Palasiu Governu, kuarta (12/10).

Nia afirma, ró foun rua ne’e, atu apoiu ba Komponente Naval, Falintil-Forsa Defeza Timor-Leste (F-FDTL) atu garante seguransa ba riku soin iha tasi.

“Sira komesa halo ona ró no sei apoiu ró rua ba ita, ida pronto ona ida seidauk, maibé kona-ba ninia persentajen to’o iha ne'ebé ha'u ladún hatene, maibé sira komesa halo uluk ona ninia ulun ho ikun, tanba ne’e akordu nota entendementu se ita ko'alia tinan oin sira remata, signifika sira iha kompromisu ho ita no sira sei kumpri sira nia kompromisu ne'e". (*)