Tuir informasaun ne'ebé www.tempotomor.com asesu iha Segunda (03/10) katak, suspeitu JS, tinan 24, hela iha Matadouro-Gan Pirates, hosi Baucau-Quelecai nu’udar funsionáriu públiku no Suspitu HUS, tinan 31, sidadaun Bangladesh hela iha Ai-Mutin ne’ebe hamutuk ho suspeitu JS modifika motor no troka ona xapa matrikula ba Q.3133 inklui buka ema atu hola motor na’ok.
Enkuantu Suspeitu LWW, tinan 36, sidadaun Xines, hela iha Manleuana, Rate-Ain, suspeitu sira mai peñor motor na’ok ba nia hodi fa'an tutan.
Vitima ho Naran Jaimito da Silva Sarmento, tinan 19, husi Munisipiu Manufahi, nu’udar estudante ida ne’ebé hela iha Lahane Osidental, mai hato’o keixa katak, nia motor ema lori halai.
Iha momentu ne’e, kedas vítima rasik halo keixa iha edífisiu SIPN no ekipa servisu halo vizilansia ba to’o iha Munisipiu Covalima maibe lahetan no ikus mai ekipa esforsa-aan buka tuir suspeitu sira no konsege hetan iha area Manleuana.
Hafoin halo identifikasaun ekipa entrega ona evidensia hamutuk ho suspeitu sira ba iha Seksaun Investigasaun Polisia Nasional (SIPN) hodi submete ba iha prosesu investigasaun nia laran. (*)