Print this page

Austrália Kontinua Apoiu Formasaun Manejamentu ba PNTL

Vise-Ministru Interior, Antonio Armindo, ho komitiva tomak foto hamutuk ho Vise-Diretur AIPM, Neil T. Sweeney AM no Diretor Fasilitasaun ba Fakuldade Polisia Pasifiku iha AIPM, sydney Australia, Rod Smith. Vise-Ministru Interior, Antonio Armindo, ho komitiva tomak foto hamutuk ho Vise-Diretur AIPM, Neil T. Sweeney AM no Diretor Fasilitasaun ba Fakuldade Polisia Pasifiku iha AIPM, sydney Australia, Rod Smith. Foto Suplay

Tempotimor (Dili)-Vise-Ministru Interior, Antonio Armindo, afirma, Australia kontinua apoiu formasaun manejamentu ba membru Pólisia Nasional Timor-Leste (PNTL).

Ko’alia kona-ba furmasaun ne’e, hafoin Vise-Ministru Interior, Antonio Armindo, hamutuk ho Komandante Jerál Polisia Nasionál Timor - Leste (PNTL)  Komisáriu Polísia Faustino da Costa, Komandante TLPDP, Superintendente, Darren Booy, hala’o enkontru ho Vise-Diretur AIPM (Australian Institute of Police Management), Neil T. Sweeney AM, hamutuk ho Rod Smith, nu’udar Diretor Fasilitasaun ba Fakuldade Polisia Pasifiku iha AIPM, sydney Australia.

Tanba, iha enkontru ne’e ko’alia liu kona-ba kooperasaun ne’ebé embaixada Australia ho setor seguransa halo ona no kontinuasaun apoiu ba programa kapasitasaun iha futuru.

“Ohin ami mai haosoru malu ho Vise-Diretor AIPM ho nia estrutura, hau mai esplika kona-ba sei aumenta numeru polisia ne’ebe tuir formasaun iha sira nia institutu inklui apoiu embaixada Australia nian ba setor seguransa iha Timor”, dehan Antonio Armindo via telfone, iha loron kuarta (14/09).

Nia mós hato’o agradesementu wa’in ba AIPM ne’ebé iha fulan juñu tinan 2022 kotuk-ba, liu hosi segundu programa halo treinumentu kona-ba jestaun lideransa nian ba membru PNTL sira hosi Munisipiu hotu iha Sentru Formasaun Polisia Comoro Dili.

“Hau lori Ministru Interior nia naran agradese mos ba dosente sira hosi AIPM ne’ebé antes ne’e oferese ona treinamentu lideransa ba feminina PNTL sira, hahu husi postu inspetor asistante to’o inspetor Xefi na’in 5 ne’ebé tinan oin hahu halo kursu leadership iha AIPM Sydney”, informa nia.

“Ohin ita husu atu oportunidade ba kursu lideransa ne’e bele kontinua hahu iha tinan 2023 ba oin no envolve nafatin instituisaun PNTL”, nia salienta

Hafoin remata enkontru ne’e, Vise-Ministru Interior ho komitiva akompaña mos hosi Diretora Jerál Adjuntu Servisu Migrasaun , Inspetora Xefi Polísia, Adelaide da Rosa, Adidu Seguransa Timor-Leste iha Austrália, Superintendente Xefi Polísia Hermenegildo Gonçalves Alves, hetan konvite husi AFP (Australian Federal Police), sae ro lansa AFP nian halo patrulla hodi hare kondisaun ne’ebé AFP iha. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items