“Sim durante semana rua, hahá iha loron 01 to’o 11 setembru, komandu PNTL husi seksaun Polísia Tránzitu Dili konsege prende motorizada 129 karreta miktrolete 13 no dokumentu transporte 59 evidénsia hamutuk 201 iha kapitál Dili”, dehan Komandante PNTL Munisípiu Dili, Superintendente Xefe Henrique da Costa, iha kna’ar fatin PNTL, Kaikoli, tersa (13/09).

Ba motorizada ho karreta no dokumentu transporte sira ne’e PNTL prende, tanba viola regra lei kódigu estrada bainhira konduz karreta la uza uniforme farda no motorizada la monta asesória hanesan sapa matrikula, lampu no laiha karta kondusaun inklui balun dokumentu transporte mate seidauk renova.

Motorizada ho karreta sira ne’ebé PNTL prende dadaun ne’e aplika ona billete ba infratór sira hamutuk 93 sira ba kumpri selu iha banku, hafoin lori resivu entrega ba parte Polísia Tránzitu nian, depois mak entrega hikas transporta karreta no motorizada.

“Billete hamutuk 93 ne’ebé mak ita aplika ba infratór sira ba ona selu iha banku osan ne’ebé tama iha kofre Estadu hamutuk $5.395, osan sira ne’e infratór sira selu ona ba kofre Estadu hamutuk $9,36 no sira ne’ebé seidauk evidénsia karreta no motorizada ita sei asegura no ita nafatin ezije ba sira atu ba selu iha banku, depois mai foti sira-nia karreta ho motorizada”, dehan nia.

Tanba ne’e komandu PNTL kontinua orienta Polísia Tránzitu ho eskuadra sira iha Dili nafatin halo opersaun pasa revista ba karreta ho motoriza ne’ebé moviementu, bainhira viola dekretu lei némeru 6/2003 tenke foti medida kedas.

“Komandu nia orientasaun ba membru Polísia sira klaru ona, tanba ne’e ita halo operasaun pasa revista ba transportes iha kapitál Dili kontinua hodi nune’e sidadaun hotu hakruuk ba regra ne’ebé hatur ona iha estadu RDTL ida-ne’e”, afirma nia. (*)