Print this page

Falur ‘Alerta’ Sivíl Labele Provoka Militár

Xefe Estadu Maior FALINTIL-Forsa Defeza Timor-Leste, Tenente Jenerál Falur Rate Laek. Xefe Estadu Maior FALINTIL-Forsa Defeza Timor-Leste, Tenente Jenerál Falur Rate Laek. Foto Suplay

Tempotimor (Dili)-Xefe Estadu Maior FALINTIL-Forsa Defeza Timor-Leste, Tenente Jenerál Falur Rate Laek, alerta ba públiku liliu sidadaun sivíl atu labele provoka Militár liliu Instituisun Polísia Nasional Timor Leste no FALINTIL-Forsa Defeza Timor-Leste (F-FDTL).

“Ba oin ne'e tuda tan mak ita haree, ita agora ko'alia uluk tiha mak ita la halo ne'e ema dehan asu hatenu mamuk, rai mamuk, kuandu tata tiha mak ita haree labele provoka, rona ka la’e!”, dehan nia iha Komandu Jerál PNTL, Kaikoli, kuarta, (07/09).

Tanba ne'e, husu ba inan aman Juventude sira atu respeitu, instituisionál hanesan Polísia Nasionál Timor-Leste (PNTL) no FALINTIL-Forsa Defeza Timor-Leste (F-FDTL).

“Husu boot ba sivíl sira, tenke respeitu sira-nia oan sira polísia ho forsa, sira hatais farda ne'e tanba reprezenta soberania ita-nia nasaun nian estadu nian, insitituisaun nian, tenke para ema hotu tenke respeita, liliu Juventude sira”, afirma nia.

Tanba iha futuru joven sira ne'ebé mak tuda militár ho idade menoridade ne'e loron ida sira mós envolve iha Insitituisaun militár nia hanesan PNTL no F-FDTL.

“Juventude sira aban bairua loron ida sira mós mai fali polísia, sira mai fali militár, sira bele tuda ne'e la'ós ema boot ema ki'ik tinan 20, 17, no 18 anos, sira hakarak sai servídor entaun sira tenke respeita, agora, la'ós ba tuda fali ema hatais farda nasaun nian, ne'e labele, rona ka lae!”, deklara nia.

Alende mós husu ba Jornalista no Autoridade lokál to'o nasionál atu halo sensibilizasaun ba sidadaun sira iha bairua laran atu respeita nia militár sira.

“Inan aman sira tenke hatene administradór sira tenke hatene, liurai sira tenke eduka, liurai xefe sira iha ne'ebá toba la hanorin, la eduka laiha reuniaun, laiha sosializasaun ba lei sira ne'e sira (juventude-red) ne'e mak sasán sira sai hanesan ne'e”, dehan nia.

Nune'e mós husu ba mestre no manorin na'in sira tenke hanorin estudante no joven sira ne'e ho di'ak hodi kontribui ba dezenvolvimentu Nasionál. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items