Print this page

Komandu F-FDTL Sei Loke Investigasaun ba Kazu Sivíl Baku Forsa

By September 07, 2022 2004
Portavóz Komandu FALINTIL-Forsa Defeza Timor-Leste (F-FDTL) Kapitão José da Costa Nunes, hamutuk ho ekipa hala'o konferensia Imprensa. Portavóz Komandu FALINTIL-Forsa Defeza Timor-Leste (F-FDTL) Kapitão José da Costa Nunes, hamutuk ho ekipa hala'o konferensia Imprensa. Foto Suplay

Tempotimor (Dili)-Portavóz Komandu FALINTIL-Forsa Defeza Timor-Leste (F-FDTL) Kapitão José da Costa Nunes hatete, Komandu F-FDTL sei investiga kazu sivíl ida baku membru F-FDTL ida husi  Komponente Navál, Primeiru Serjentu Joanico Baptista.

Kazu baku membru membru F-FDTL ida husi  Kompinente Navál  Primeiru Serjentu Joanico Baptista iha área Bidau Akaderuhun, loron  segunda (05/09) tuku 18:25 bainhira membru tenta atu hakalma situsaun konfrontu ida ne’ebé mak mosu iha área ne’ebá, maibé lakonsege tanba ema barak entaun nia hetan tuku, tebe, baku to’o tuda kanek membru F-FDTL ne’e nia uluk.

“Konseteza tanba F-FDTL ne’e nia institusaun ida, nia sempre iha nia kanál justisa nian, tanba ne’e mak sei hato’o ba ita-boot sira atu haree ba iha kazu ne’e”, dehan Kapitão José, iha Kuartel Jenerál, Fatuhada, tersa (06/09).

Hatan kona-ba membru F-FDTL antes ne’e hatais sivíl maibé bainhira rona konfrontu mak hafoin ba hatais farda militár hodi ba hakalma situsaun, Portavóz Komandu FALINTIL- Forsa Defeza Timor-Leste (F-FDTL) Kapitão José da Costa Nunes esplika, nia parte labele fundamenta buat balun tanba investigasaun mak sei justifika.

“Ha’u labele ko’alia buat ida husi investigsaun mak sei justifika buat sira ne’e”, afirma nia.

Kona-ba kondisaun membru F-FDTL ne’ebé hetan baku halo ona tratamentu ba nia saúde iha Ospitál Nasionál Guidu Valadares (HNGV) no nia kondisaun di’ak agora halo fali serbisu hanesan bainbain iha nia Komponente Navál.

Liga ba situaasaun ne’e Komandu F-FDTL mós husu ba membru  F-FDTL hotu husi Komponente hotu no Unidade Polísia Militár atu kontrola nian membru sira.

“Husu ba membru F-FDTL iha teritóriu tomak no atu hakmatek no halo serbisu tuir orden no orientasaun Komandu nian”, dehan nia.

Portavós  Komandu F-FDTL ne’e mós desmente informasaun ne’e haktuir katak Komandante Komponente Navál  Kapitál Mar e Gerra Hignio das Neves líder membru husi komponete navál ba halo detensaun ba suspeitu ne’ebé baku kanek membru F-FDTL husi Komponente Navál no hirak ne’ebé envolve iha kazu konfrontu.

“Polísia no militar ne’e seguransa nasaun nian  halo kontrola iha teritóriu Timor-Leste iha oras 24  ne’e obrigasaun ba situsaun saida de’it atu kontrola estabilidade nasionál”, deklara nia. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items