“Ha’u sente triste, lamenta no arrepende haree violénsia foin liubá iha Kapitál Dili. Nu’udar Primeiru Ministru ha’u husu deskulpa tanba perturba inan-aman, komunidade no sidadaun sira-nia hakmatek. Mai ita deklara violénsia hanesan inimigu ita-nian, no promete kombate hasoru violénsia to’o halakon iha ita rain doben Timor-Leste”, dehan Primeiru Ministru, Taur Matan Ruak, tuir nota ne'ebé mídia asesu, iha tersa (06/09).
Xefe Governu hanesan mós Ministru Interior alerta ona ba Komandu Polísia Nasionál Timor-Leste (PNTL) atu vijilánsia másimu hodi mantein orden públiku liliu iha Kapitál Dili.
Aleinde ne'e apela mós ba joven sira atu hakmatek hodi kontribui ba estabilidade nasionál, husik problema krime ne’ebé akontese ona, entrega ba justisa. (*)