Login to your account

Username *
Password *
Remember Me

Falur Deside Aprova Kadete 600 ba Treinamentu iha Metinaru

Xefe Estadu  Maiór Falintil, Forsa Defeza Timor-Leste (F-FDTL), Tenente Jenerál Falur Rate Laek. Xefe Estadu Maiór Falintil, Forsa Defeza Timor-Leste (F-FDTL), Tenente Jenerál Falur Rate Laek. Foto Suplay

Tempotimor (Dili)-Xefe Estadu  Maiór Falintil, Forsa Defeza Timor-Leste (F-FDTL), Tenente Jenerál Falur Rate Laek hatete, nia parte deside aprova deslokasaun kadete n’ain-atus-neen (600) ne'ebé liuona prosesu rekrutamentu faze daruak nian hodi kontinua ba tuir treinametu iha Sentru Formasaun F-FDTL Metinaru.

“Rekrutamentu ne'e dia 12 ne'e inkorporasaun, orsida ha'u asina aprova tiha para dia 11 ne'e inkorporasaun. Tama ona ba sentru Formasaun treinu”, dehan Jenerál Falur hafoin audénsia ho Prezidente Reoúblika Horta iha Palásiu Prezidensiál Bairo Pite, sesta (02/09).

Antes ne'e, Portavoz FALINTIL-Forsa Defeza Timor-Leste (F-FDTL), José António Nunes da Costa, Kapitaun Enjeñaria avizu ba públiku katak, rekrutamentu kadetes foun ba membru F-FDTL ne'e, rekrutamentu nune'e kadete ne'ebé mak sei passa servisu volutáriu durante fulan-18.

“Avisu ba inan ka aman, maun no alin ferik e katuas, señor no señra autoridade sira katak, rekrutamentunida ne’e, rekrutamentu voluntáriu ba sidadaun Timoroan sese de’it bele konkore tuir kritériu ne’ebé iha. Siknifika katak, nia liu karik nia mai servisu durante 18 mezes tuir rezime voluntáriu ne’ebé iha, depois rezime voluntáriu nia pasa mak sei halo rezime kontratadu ba nian ba dois em dois anos, durante tinan hitu, se fila ou konkore ba teste kuadru permante karik nian pasa”, esplika nia Kapitaun, liuhusi Konferensia Imprensa  jornalista iha Kuartel Jenerál Fatuhada, kinta (21/07).

Tanba sai nu’udar kuadru permanente ona mak foin bele konkore ba eskola forma por eskrita militar, depende ba avaliasaun atu haree oinsá sira progresaun de kareira ba futuru, ne’e siknifika kata presiza tempu no pasiénsia ne'e la'ós fasil.

Nune'e, ba sidadaun sira ne'ebé mak atu tama ba vida militár, tenke prontu liuhusi teste no labele enkosta ba ema ruma husi kotuk.

“Tanba ne’e, husu ita-boot sira katak la'ós objetivu ida-ne’e di’ak liu lalika gasta tempu, buka dalan korta fasil iha vida militar nian, ba inan ka aman katuas no ferik, maun alin no señor señora sira, lalika lakon tempu atu buka ema ruma ka enkosta ema ruma buka hasoru ema ruma ka servisu fatin no fatin seluk, hodi buka rekomenda oan, alin, ka beioan sira mai iha-ne’e”, dehan nia. (*)

Rate this item
(1 Vote)
Last modified on Friday, 02 September 2022 15:50
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter