“Husi kazu ida-ne'e frauda fiskal no burla informatika ne'ebé investimentu konjuntu entre sidadaun Indonézia ho Timoroan iha área telekomunikasaun maibé atividade ka lisensa ne'ebé mak estadu fó nia utiliza sala hodi halo fali atividade burla informatika no frauda fiskál”, dehan nia liuhisi Konferensia Imprensa iha Komandu Jerál PNTL Kaikoli, kuarta (24/08).
Kompaña Fatukulu Margana Unipesoal Lda hari’i iha Timor-Leste maibé halo atividade ezije sidadaun Indonézia ne'ebé Empresta osan husi Kompaña ne'e rasik ne'ebé liuhusi aplikasaun Indodan no liuhusi aplikasaun Vitech ne'ebé Empresta husi sidadaun Indonézia.
PNTL asegura Kompaña Fatukulu Margana tanba lisensa iha SERVE IP atu halo atu tau matan ba área telekomunikasaun iha Timor-Leste maibé halo fali atividade seluk Burla Informatika no Frauda fiskál.
“Kompaña ne'ebé mak fó emprega ba ita-nia sidadaun sira 143 ida-ne'e kompaña estranjeiru ADT uza aplikasaun foun ida ho naran Indo dan no liuhusi aplikasaun Vitech ne'ebé fó Empresta osan ba devedor sira iha estranjeiru, atividade ida ne'e hala'o iha estranjeiru no uza ita-nia sidadaun hodi sai hanesan operadór no sistema aplikasaun hothotu kompaña estranjeiru ida-ne'e mak fornese ba ita-nia sidadaun ida-ne'e hodi ezije ba devedor sira iha estranjeiru”, afirma nia.
Kompaña ida-ne'e ninia Jestór ho Inisiál PB, AS no feto ida RA no envolve sidadaun Timoroan ida ho identidade FG.
Ho atividade ne’e ejize devedor sira ne'e hala'o iha Estranjeiru maibé utiliza sidadaun Timoroan ne'ebé serbisu iha kompaña Fatukulu Margana.
Iha Identifikasaun ba Kompaña, PNTL konsege Kaptura Jestór kompaña no detein iha dala detensaun Komandu Jerál hodi submete ba prosesu Judisiál.
Relasiona ho kazu ne'e PNTL Kontinua servísu hamutuk ho Ministériu Relevante hanesan MTKI, SERVE IP, Banku Sentrál Timor-Leste, no Finansial Intelejent Unity (FIU) atu deskobre investimentu Kompaña ne'e rasik. (*)