Tuir informasaun ne’ebé www.tempotimor.com, asesu iha pájina Relasaun Públika F-FDTL, segunda (22/08) katak, Xefe Estadu Maior Jenerál F-FDTL, Tenente Jenerál Falur Rate Laek hatete, vijita Xefe Estadu Maior Jenerál Forsas Armadas Portuguesa ne’e hanesan kooperasaun téknika Militár entre Forsas Armadas Portuguesa ho Timor-Leste.
Iha enkontru entre Xefe Estadu Maior Jenerál na’in-rua ne’e, konsege hamosu pontu barak durante enkontru, hanesan nível formasaun treinu, investimentu iha lingua portugueza, saúde Militár, Cimik apoiu populasaun nomós sira sei fó asesor ba Forsa Aérea.
Partisipa iha enkontru ho Almirante António Silva Ribeiro ne’e hanesan, Xefe Estadu Maior Jenerál F-FDTL, Tenente Jenerál Falur Rate Laek, Vise Xefe Estadu Maior Jenerál F-FDTL, Major Jenerál Calisto Santos Coliati, Komodoro Donaciano Costa Gomes “Pedro Klamar Fuik” Adido Defesa Timor-Leste ba Portugal, Koronél Rai Ria. (*)