Tuir informasaun ne’ebé www.tempotimor.com asesu iha pájina Servisu Relasaun Públika, sábadu (20/08) katak, bazeia ba informasaun husi suspeitu AJG, ne'eb’e hetan kapturasaun iha loron sesta (19/08) nia hato'o nia deklarasaun katak sei iha tan autór na’in-8 seluk ne'ebé envolve iha kazu asaltu, nune'e ekipa konjunta kaptura tan suspeitu na’in 4 ne'e ho naran inisial JRX kaptura iha area Vila-Verde, NJ iha Matadoru, JLCA iha Tuana-Laran enkuantu suspeitu JDV mai entrega-an iha edifísiu SIKN.

Maibé ekipa konjunta  husi SIPN (Servisu Informasaun Polisia), ekipa Makikit no-mos Unidade Falintil kontinua buka tuir autór sira seluk ne’ebé envolve-an iha kazu asaltu ne’e.

Tanba husi asaun brutál ne’ebé Kriminozu sira halo ne’e rezulta hakanek feto na’in-2 no mane na’in 3 hetan kanek grave.

Entretantu Ekipa konjuntu kaptura uluk autór AJG tinan 20 ne’e iha oras tuku 11:00 hela iha matadoru, iha Suku Vila Verde.

Daudaun ekipa lansa hela vizilánsia hodi buka tan autór sira seluk ne'ebé identifikadu ona hodi lori mai edifísiu SIKN atu presta deklarasaun. (*)