Print this page

Ekipa Konjunta Kaptura Ona Suspeitu Asalta Membru PSHT

By August 19, 2022 1222
Autór ho inisiál AJG, tinan 20 ne'ebé asaltu membru grupu arte marsiál (GAM) Persaudaraan Setia Hati Terate (PSHT) fila husi graduasaun atu fila ba uma. Autór ho inisiál AJG, tinan 20 ne'ebé asaltu membru grupu arte marsiál (GAM) Persaudaraan Setia Hati Terate (PSHT) fila husi graduasaun atu fila ba uma. Foto Suplay

Tempotimor (Dili)-Ekipa Konjunta Servisu Sekreta husi servisu informasaun polísia (SIP), Makikit no Unidade Falintil, kaptura ona autór ho inisiál AJG, tinan 20 ba kazu tentativu omesidu, danu agravadu nomós Armas Brankas, ne'ebé halo asalta ba membru Grupu Arte Marsiál (GAM) Persaudaraan Setia Hati Terate (PSHT) ne'ebé fila husi graduasaun atu uma.

Tuir informasaun ne'ebé www.tempotimor.com asesu liuhusi Pesoál Ekipa Sekreta ne’ebé lá kohi publika nia identidade informa, kona-ba kronolojia husi kazu ne'e mak, antes ne’e suspeitu sira iha planu ona hodi halo grupu rua hodi fahe, balun hein iha dalan diresaun Igreja Katedral sa’e ba Tuana Laran iha Aldeia Virgoloza, Suku-Vila Verde, Postu-Administrativu Vera Cruz, Munisípiu Dili.

Nune'e iha oras tuku 4:00 madrugada membru husi GAM PSHT remata atividade simu graduasaun atu fila ba ida-idak nia uma to’o iha dalan iha fatin akontesimentu hetan kedas asaltu husi suspeitu ho nia maluk sira hodi fatuk mak tuda inklui lori mós samurai ida hodi rezulta vítima na’in 5 kanek.

Vítima na’in-lima ne'e kompostu husi mane na’in-3 ho feto na’in-2 husi GAM PSHT ne'ebé hetan kanek grave iha parte ulun kanek no kuak rezulta rán sai maka’as no agora dadauk vítima sira hala’o ona  tratamentu iha Hospital Nasional Guido Valadares (HNGV).

Suspeitu antes ne’e komete ona kazu Furto/na’ok iha área kapitál  Dili no asalta malu iha kapitál Dili no ekipa servisu kaptura tiha entrega ba Eskuadra PNTL Dom-Aleixo, maibé ikus mai suspeitu hetan Termu Identidade Rezidénsia(TIR) kada semana.

Depois kaptura suspeitu deklara katak nia ho nia kolega sira hamutuk na’in-8 seluk ne'ebé mak halo asaltu ba Membru GAM PSHT to’o hetan Grave.

Dadaun ekipa konjuntu kontinua buka suspeitu sira seluk ne’ebé mak sei halai Subar. Entretantu ekipa konjunta kaptura autór AJG, tinan 20 ne'e iha oras 11:00 dader, sesta (19/08) hela iha Matadoro, Suku Vila-Verde. (*)

Rate this item
(0 votes)
Last modified on Friday, 19 August 2022 17:00
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items