“Prezidente Repúblika, José Ramos-Horta sei kondekora jenerál na’in-tolu no eis jenerál na’in ida husi estranjeiru, ho medalla méritu, iha Palásiu Governu Dili”, deklara Komunikadu Imprensa ne'ebé www.tempotimor.com asesu husi Gabinete Prezidente Repúblika, sesta (19/08).
Ba atribuisaun medalla méritu ne’e, tuir Dekretu-lei númeru 15/2009, loron 18 fulan-marsu atu rekoñese no agradese ba sívil no militár, nasionál no internasionál sira ne’ebé fó ona sira-nia kontribuisaun siknifikativa ba pás no estabilidade nasionál.
Purtantu Jenerál hirak-ne'e maka, Xefe Estadu-Maiór Jenerál Forsa Armada husi Portugál, Almirante António Manuel Fernandes da Silva Ribeiro, Xefe Estadu-Maiór Jenerál Forsa Armada husi Commonwealth Austrália, Jenerál Angus Campbell, Xefe Estadu-Maiór Jenerál Forsa Armada husi Repúblika Indonézia, Jenerál Andika Perkasa.
Aleinde Eis-Ministru no eis-Xefe Servisu Nasionál Intelijénsia Repúblika Indonézia no Veteranu husi Operasaun Seroja, Jenerál Reformadu Abdullah Makhmud Hendroprioyono. (*)