“Ba Ministériu Interior rasik iha nia diresaun Servisu Migrasaun ne'e ita iha millaun $10 tanba ami autoridade protesaun Sivíl sira-nia lei iha ketak entaun sira-nia orsamentu husi Ministériu Finansas, sira iha Millaun $15 e ba PNTL ninian millaun $43 ne'e ami iha totál millaun $68”, dehan nia ba jornalista sira iha Palásiu Governu, kuarta (17/08).
Tanba orsamentu hirak ne'e prepara revizaun ba rejime salariál ne'ebé mak hasa'e ba pursentu sanolu-resin-lima (15%).
“Tinan oin ne'e tempu badak tanba iha tempu kampaña no Eleisaun entaun preparasaun orsamentu barak ba eleisaun maibé hanesan ita hatene orsamentu sa'e ne'e tanba ita iha revizaun ba rejime salariál, ne'ebé mak fó ba PNTL pursentu 15 depois ho mudansa sira hanesan ne'e mak orsamentu ba PNTL mós boot sira-nia saláriu vensimentu de'it sa'e ona millaun $31 ba tinan ne'e no iha tinan tuir mai nune'e hela de'it ida-ne'e orsamentu ida ke boot”, afirma nia.
Tanba Governu nia polítika tenke mellora PNTL sira-nia bem estar entaun tenke hahú pelumenus hahú revizaun ki'ik ida hanesan ne'e, para sira bele sente sira-nia serbisu ne'e.
Programa seluk ne'ebé aloka ba Ministériu Interior mak tráfiku umanu, tau osan rihun $400 ba programa tráfiku umanu ninian atubele haree parseiru ho Timor-Leste, liliu IOM atu Kontinua Programa fó formasaun ba PNTL sira iha teritóriu laran tomak. (*)