Login to your account

Username *
Password *
Remember Me

Governu Presiza Apoia Ekipamentu Adekuadu ba UEP

Komandante Jerál Polísia Nasionál Timor-Leste (PNTL), Komisáriu Faustino da Costa. Komandante Jerál Polísia Nasionál Timor-Leste (PNTL), Komisáriu Faustino da Costa. Foto Suplay

Tempotimor (Dili)-Komandante Jerál Polísia Nasionál Timor-Leste (PNTL), Komisáriu Faustino da Costa, husu ba Governu kontinua apoia fasilidade adekuadu ba Unidade Espesiál Polísia (UEP) nune'e bele halo serbisu fó intervensaun ba krime sira iha sosiadade nia le’et.

“Ha’u sempre dehan bebeik limisaun ba PNTL mak ligadu ba fasilidade oinsá atu apoia polísia nia serbisu ho di’ak. Tanba ne’e ha’u husu Governu kontinua apoia PNTL entermus fasilidade ne’ebé ho adekuadu nune’e PNTL liliu Unidade Espesiál Polísia (UEP) bele halo sira-nia serbisu ho di’ak”, dehan Komandante Jerál PNTL, Komisáriu Faustino iha Bairru Pite, tersa (16/08).

Dadaun ne’e, parte Governu kria politika hodi dezenvolve PNTL maibé kapasidade orsamentu ne’ebé mak Komandu tenta jere hodi kontinua dezenvolve PNTL liuliu UEP nune’e bele fó asisténsia seguransa ba povu ho di’ak.

“Ho orsamentu oituan ne’ebé mak iha, ita tenta kontinua apoia unidade sira polísia ne’ebé mak iha atu kontinua fó asisténsia seguransa ba ita-nia povu”, afirma nia.

Nune’e mós Komandante Unidade Espesiál Polísia (UEP), Superintendente Xefe Orlando Gomes informa, UEP sempre  fó asisténsia seguransa ba komunidade sira.

“Nu’udar autoridade seguransa Estadu nia sempre fó apoiu seguransa ba ita-nia povu sira. Ita-boot sira haree iha festa demókrasia eleisaun prezidensiál UEP bazea ba orientasaun Komandu Jerál PNTL fó apoiu seguransa ba atividade boot ida-ne’e la’o ho susesu buat hotu iha situasaun ne’ebé hakmatek”, dehan nia.

Komandante UEP mós kontinua koloka membru sira atu fó seguransa balata entidade sira ne’ebé partisipa iha seremónia investidura Prezidente Repúblika foun iha Tasitolu la’o di’ak.

“Tinan oin ami mós kompromete katak sei kontinua fó apoiu liután seguransa ba eleisaun parlamentár bele la’o di’ak, nune’e povu bele tuir festa demókrasi ne’e iha ámbitu pás no hakmatek”, afirma nia.

Ho lema UEP nia ne’ebé hatete “Não somos perfeito, mas sim somos treinados”, tanba ne’e, UEP sempre kumpri nia lema ne’e liuhusi formasaun no treinamentu oioin hodi adapata ba tékniku.

Maibé problema ba UEP mak menuz fasilidade atu apoia UEP halo nia serbisu iha terenu hodi fó segurnsa ba povu.

Membru UEP dadaun ne’e hamutuk 716  kompostu husi Batalão Orden Públiku (BOP), Komandu Espesiál Polísia (COE), Korpu Seguransa Pesoál (CSP) no sesaun ida hanaran Explosive Ordinance Disposal (EOD).

Dadaun UEP hetan oportunidade prepara membru na’in 300 atu envolve misaun ba li’ur.

Eis Ministru Interior, Rogeiro Tiago Lobato, husu mós ba Governu atu tau matan no investe ba institusaun PNTL.

Hanesan eis Ministru Interior haree iha Governu  Konstitusionál dauluk 2022 PNTL hari’i ho menus fasilidade, maibé momentu ne’ebá nia hakarak hola elikóptur ba PNTL atu halo intevensaun lalais ba komunidade sira munusípiu maibé la realiza. Maske nune’e, depois tinan 20 dezenvolve nia-an di’ak adapta-an ba mundu oin loron.

“Tanba ne’e Governu presiza investe em termus fasilidade, kapasitasaun rekusu umanu, haruka sira ba eskola tuir formasaun treinamentu tékniku no tatiku polisiál nian iha li’ur, finasimantu, nune’e bele moderniza no dezenvolve di’ak liután instituisaun PNTL”, hatete nia.

Prezidente Komisaun B Parlamentu Nasionál ne’ebé trata ba asuntu Defeza  Seguransa no Negosiu Estrajeiru José Agostino Siqueira ‘Somotxo’ hatete, hanesan membru PN ne’ebé sempre akompaña polísia nia atividade komisaun B  apoia PNTL sem rezerva.

“Ha’u hatene PNTL sira-nia kodisaun no situsaun ha’u atu hatete katak, Komisaun B apoiu institusaun PNTL sem rezerva. Ba oin ita sei aumenta orsamentu PNTL nian nune’e bele dezenvolve di’ak liután”, deklara nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter