“Orientasaun mak ne'e ba orsamentu ne'e nia prontu haree ona no kontente tanba bazeia ba pakote ne'ebé distribui hothotu aprezenta ona ba sira eselénsia, e nia mós hatete dehan katak, ita-nia projetu ida-ne'e kontinua ita tenke hahú ona e labele dada hanesan ne'e projetu ne'e iha ona temi hela temi hela mais la halo konstrusaun, molok fin fulan ida ne'e ita bele hahú halo konstrusaun”, dehan vise Minístru Interior António Armindo ba jornalista sira iha Rezidénsia PM Taur, tersa (16/08).

Tanba orsamentu ne'ebé Governu aprova ba konstrusaun edifísiu Eskuadra PNTL Postu Dom Aleixo, Munisípiu Dili totál hamutuk millaun $1.7

“Nia orsamentu totál ne'e millaun $1.7 ba eskuadra Aimutin ne'ebé ita hein bainhira mak hahú importante mak asesór legál sira Gabinete eselénsia nian haree ona prontu ona atu simu no prontu ona atu asina ninia projetu la'o ne'e”, dehan nia.

Ba edifísiu eskuadra Dom Aleixo, tuir observasaun husi jornalista www.tempotimor.com katak, dadaun ne'e edifísiu Eskuadra Aimutin presiza halo konstrusaun tanba iha hela rai kle'an nune'e tempu udan hamosu nafatin inundasaun hodi difikulta servisu PNTL iha terenu. (*)