“Buat ida ke ha'u la gosta liu PNTL mak ne'e, kuaze ke feto laiha iha lideransa, ha'u hatete ona ha'u hakarak haree feto la'os de'it aumenta numeru ba baze ne'e, ha'u hakarak haree feto Komandante”, dehan Horta hafoin hala'o vizita ba edifísiu Komandu Jerál PNTL, Kaikoli, sesta (12/08).

Tanba Lideransa iha instituisaun PNTL haree númeru ne'e kuaze feto laiha liu, no tuir loloos tenke tau mós feto, maske mane bele ema atus-ida, maibé feto oan ida tenke iha.

Tanba ne'e bainhira laiha feto mak lidera mak nia parte sei veta Orsamentu Jerál Estadu 2023 ba Polísia Nasionál Timor-Leste.

“Purtantu na'in komandante Jerál, ha'u hatene ke ne'e la'ós ita-nia responsabilidade duni, tanba kada komandante Jerál iha tinan haat, labele muda buat barak mais tinan rua-nulu ona haree aselera ida-ne'e”, hatete nia.

Durante vizita ne'ebé hala'o husi Xefe Estadu ba instituisaun PNTL, observa katak progressu fiziku no kualidade profissionalizmu ne'e iha maibé observasaun negativu ba PNTL mak laiha feto lidernasa.

Iha tinan lubuk ida nia laran, la konsege mai vizita PNTL, tanba iha atividade seluk, maibé agora mai fali haree atividade PNTL nian nota progressu barak tebes, nomós iha kualidade profisionalizmu kompara ho tinan sira uluk.

Tanba ne'e, iha hanoin ida hakarak halo avaliasaun ba atividade sívika, atividade komportamentu PNTL nian hanesan mos F-FDTL nian, tanba Xefe Estadu iha esperiénsia ba área ida-ne'e no observa ona rai lubuk ida iha mundu, nomós hetan funsaun barak iha nasaun Unidas.

Ba Instituisaun PNTL nia komportamentu entermu ho lei no orden, nomós respeitu ba diretu umanu, ne'e iha klasifikasaun di'ak (altu).

Maibé iha Instituisaun ne'e rasik problema sempre difísil tanba instituisaun ida ho ema barak, atubele kontrola buat hothotu, haree tuir iha rai sira seluseluk ne'ebé esperiensia liu ho meiu liu PNTL, maibé sira mós iha problema grave, kompara ho Timor-Leste.

“Mais atu haree situasaun Timor nian, ita-nia Polísia-forsa bele orgullu, balansu kee ha'u halo pesoalmente, e ha'u halo ema ke koinese, ne'e uluk 2014 to'o iha 2017, hau dirize painel ONU ida naran (Painel da Auto Nível Para Operações das Paz a ONU) ida-ne'e tau matan ba Forsa da pas, Forsa Polísia rai lubuk ida iha mundu, mais de 40 paises e ha'u bele kompara ba rai sira-ne'e hotu”, esplika nia.

Purtantu Xefe Estadu mós kontente no orgullu, maske problema balun dala-ruma akontese maibé bele hatete ne'e kuaze normal, no importante mak Governu tenke tau matan liután ba Instituisaun PNTL ho F-FDTL.

Ba Orsamentu Jerál Estadu 2023 ne'ebé mai, pontu importante ne'ebé Xefe Estadu haree se bele Governu ó orsamentu espesiál ba instiruisaun PNTL ho F-FDTL atu sira bele halo mos atividade sosial, sívika, no Desportiva barak liu.

Nune'e  sira iha posibilidade atu ajuda komunidade sira, maibé Governu mak tenke fó meiu ba sira, Ekipamentu enjeñária no Ekipamentu seluk, oinsá ajuda komunidade sira nomós ema ruma ma família ruma karik presiza derepente atu hadi'a um kakuluk, ka eskola kakuluk derepente hetan sobu husi anin boot.

Aleinde sira mós bele organiza atividade Sosiál, kulturál ho populasaun, nomós mobiliza joven sira kuda aí, ida-ne'e instituisaun rua ne'e bele halo.

“Entaun haree tok kria problema espesiál, iha Forsa rua ne'e nia liman, e se di'ak liután forsa rua ne'e koordena tanba F-FDTL iha unidade enjeñária ida ki'ik mais di'ak, PNTL mós iha mais ki'ik liután fali tanba ne'e la'os vokasaun PNTL nian, instituisaun Rua ne'e iha unidade médiku, bele mós halo prestasaun servisu iha aldeia e Suku sira”, esplika Horta.

Xefe Estadu mós fiar katak atividade kona-ba apoiu umanitária ba populasaun ne'e parte instituisaun rua ne'e halo dadaun ona tanba dalaruma haree sira ba fatin balun.

“Purtantu ne'e mak ha'u apoia liu e klaru ha'u haree iha ekipamentu ne'ebé ohin espozisaun e esplikasaun, balun di'ak e balun modernu mais balun la funsiona, balun antigu loos ona tenke muda”, hatete nia.

 

Nu’udar Xefe Estadu hakarak fó parabéns ba Membru sira hothotu, tanba kapasidade PNTL nian tinan sira-nia laran ne'e aumenta di'ak los, no foin lalais ba Kuartel Jenerál F-FDTL, akompaña tinan sira-nia laran la’o di'ak.

“Parabéns mós ba sira hothotu, parabéns ba Taur Matan Ruak, uluk primeiru Xefe Estadu Maior F-FDTL Jenerál, depois mais Lere Anan Timur, agora Jenerál Falur Rate Laek, e parabéns ba sira hothotu ne'ebé ke lidera instituisaun F-FDTL to'o ohin loron nia di'ak, ne'e mak ha'u-nia observasaun ohin”, afirma nia. (*)