“PNTL nia hakarak ne'e Distritu hothotu ne'e iha CCTV, maibé PNTL nia hakarak ne'e mós limita orsamentu, tanba CCTV ne'e la'ós instala gratuita de'it, ne'ebé kada CCTV iha Dili laran de'it 65 ne'e de'it ita gasta kuaze mais de rihun $200.00 ne'e”, dehan nia ba jornalista sira iha Komandu Jerál PNTL, Kaikoli, kinta (11/08).

Ekipa Tékniku ba CCTV iha Sentrál, Inspetór Assistente Tomas Elizio Ximenes Soares hatete, dadaun instala ona  iha Timor laran tomak iha CCTV hamutuk 65.

“Iha Dili laran CCTV hamutuk 35, iha Baukau, hamutuk 10 mais ida mak iha problema, no Maliana iha 10, so iha Batugade mak ualu (8)”,  afirma nia.

Ba Kamera CCTV ne'ebé instala nia kualidade Zoom kona kilometru tolu hodi identifika vítima ka suspeitu ka objetivu ruma ne'ebé sira presiza haree.

Kamera sira ne'e fasilita tebes servísu Polísia Nasionál iha terenu, tanba bele identifika lalais bainhira akontesimentu ruma iha fatin sira ne'ebé mak monta ona Kamera CCTV.

Tanba Polísia nia hakarak ne'e atu monta iha territóriu Timor laran tomak maibé sei menus orsamentu nune'e sei orsamenta fali iha tinan 2023 hodi aloka ba CCTV hodi instala iha Timor laran tomak. (*)