Login to your account

Username *
Password *
Remember Me

F-FDTL Hala’o Marsa Falintil Hodi Komemóra Loron Falintil ba Dala-47 

Ekipa FALINTIL-Forsas Defeza Timor-Leste (F-FDTL) rona Hela instrusaun hodi hala’o marsa FALINTIL ba Komemóra Loron falintil nian dala-47 (1975-2022).   Ekipa FALINTIL-Forsas Defeza Timor-Leste (F-FDTL) rona Hela instrusaun hodi hala’o marsa FALINTIL ba Komemóra Loron falintil nian dala-47 (1975-2022). Foto Suplay

Tempotimor (Dili)-FALINTIL-Forsas Defeza Timor-Leste (F-FDTL) hala’o marsa FALINTIL hodi Komemóra Loron falintil nian ba dala-47 (1975-2022).   

Tuir informasaun ne’ebé www.tempotimor.com, asesu iha pájina Relasaun Públika F-FDTL, kuarta (10/08) katak, Marsa FALINTIL ne’e kompostu husi kompaña Delta komponente Terrestre,  pelotaun Fuzileiru husi komponente Navál, Menus Pelotaun ida husi Unidade Falintil e Assesor Portugal inklui populasaun no Veteranus eis Sarjentu Xefi “Filomeno Soares (MANU AMAN)” hanesan matadalan ne’ebé komanda husi Segundu Komandante Interino Komponente Terrestre Major “Arlindo da Silva”.

Marsa ne’e hahú husi Ossu Larigutu-Buburake-UaireoTula-Maubai “Aubetu Laran”-Ga 3 de Marsu-Uatukile-no remata iha  Kraras “Bubur Laran” (Munisípiu Vikeké).

Ho marsa ne’e fó hanoin mós ba jerasau foun sira hodi Banati tuir Veteranu Sira nia ain Fatin no hatene Historia sira ne’ebe akontese iha fatin hanesan (3 de Marsu, Kafé Laran, Buburake, Larigutu nomós Gatot).

Iha enseramentu Xefe Inspeksaun Jerál, FALINTIL-Forsa Defeza de Timor Leste (F-FDTL), Brigadeiru Jenerál Cornelio Ximenes ‘Mau Nana’ hatete, nia parte agradese ba membru sira bele indentifika fatin istóriku sira, hanesa Kontak Dame Larigutu, 3 de Marsu, hanesan fatin ida ne’ebé maun boot Xanana, nu’udar Komandante Em Xefe, reorganiza fali funu.

“Nune’e ita bele konta istória ba jerasaun foun sira tuir mai bele hatene saida mak FALINTIL sira halo iha momentu okupasaun Indonézia. Ha’u mós agradese ba populasaun no veteranu eis Sarjentu Xefi “Manu Aman” ne’ebé hamutuk ho imi lokaliza ka identifika fatin istóriku sira”, dehan Brigadeiru Mau Nana.

Ba fatin ne’ebé identifika ona ne’e sei transforma sai fatin turizmu istóriku ida, atu nune’e ema bele ba vizita fatin ne’e, marsa ne’e mós hanesan ezersisiu ida ne’ebé halo husi membru F-FDTL sira.

Iha fatin hanesan eis Sarjentu Xefe “Filomeno Soares (MANU AMAN)” hatete, nia parte hakara motiva Joven “Forsa foun” sira atu hatene fatin sira ne’ebé mak uluk Asu’uain FALINTIL sira marka ona hodi lalika rona fali ema seluk mak konta maibé hatene mós fatin no haree rasik ho matan fatin ne’ebé mak líder sira marka ona, no lalika sai bainaka ba fatin sira ne’e no tenke sai na’in ba fatin istóriku sira ne’e.

“Fatin sira ne’ebé forsa sira hodi hala’o marsa ba tamba importante ba ita-nia Líder no Veteranu sira, fatin sira ne’e mak hanesan (3 de marsu, Kafé laran, Buburake. Larigutu no Gatot)”, dehan nia. (*)

Rate this item
(0 votes)
Last modified on Wednesday, 10 August 2022 11:26
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter