Login to your account

Username *
Password *
Remember Me

PNTL Husu Líder Arte Marsiál Hanorin Doutrina Nasionalizmu ba Membru Sira

Komandante Polísia Nasionál Timor-Leste(PNTL)  Eskuadra Dom Aleixo, Alex da Costa “Samurai” ko’alia ho Membru GAM sira. Komandante Polísia Nasionál Timor-Leste(PNTL) Eskuadra Dom Aleixo, Alex da Costa “Samurai” ko’alia ho Membru GAM sira. Foto Suplay

Tempotimor (Dili)–Komandante Polísia Nasionál Timor-Leste (PNTL)  Eskuadra Dom Aleixo, Alex da Costa “Samurai” husu ba líder Arte Marsiál sira labele doutrina organizasaun nian, maibé mós hanorin doutrina nasionalizmu ba Membru sira iha treinu fatin.

“Ha’u fiar ami lideransa arte marsiál iha ne’e ami fiar, lori ita-nia membru sira ho jurus oinsá tenke ka tebe ka tuku oinsá maibé labele haluha hanorin sira doutrina nasionalizmu hanesan joven ida hatene rekoñese Estadu Demokrátika Timor-Leste ninian ita-nia nasaun ne’e ukun-an tanba saida?. Atu nune’e Membru sira mós hatene istória kona-ba ezisténsia Timor-Leste ninian hodi nune’e sira labele buka baku malu de’it maibé oinsá kria estabilidade iha Timor-Leste”, dehan nia ba jornalista sira hafoin Mobiliza Arte Marsiál tolu hodi halo limpeza konjunta iha Munisípiu Dili, sábadu (06/08).

Tanba objetivu akumula Arte Marsiál tolu inklui arte rituál ida mak hanesan, Organizasaun Kera Sakti, Persaudaraan Setia Hati Terate (PSHT), Kmanek Oan Rai Klaran (KORK) no Sete-Sete (77) atu halo limpeza hamutuk hanesan amizade entre arte Marsiál sira.

Maske uluk Governu taka ikus reativa fila, entaun tenke lori fali arte marsiál sira ne’e hakbesik ba komunidade hodi kria estabilidade iha rai laran.

“Ita lori fali arte marsiál ne’e ba komunidade, tanba uluk taka depois reativa fali, se Governu reativa oinsá sira tenke filafali hakbesik-an ba komunidade sira, maibé sira tenke kria estabilidade, no parte seguransa tenke iha responsabilidade ba ita-nia rai laran”, afirma nia.

Tuir observasaun jornalista iha terenu, Arte Marsiál tolu inklui Arte Rituál hatudu sira-nia kompromissu ida di’ak hodi kontribui ba estabilidade iha Rai laran.

Reprezentante Líder Arte Marsiál no Ritual, nu’udar Koordenadór Segundu ba Organizasaun PSHT, Renato Doutel hatete, nia parte prontu kria estabilidade no garante paz iha komunidade sira-nia leet.

“Ami ohin (06/08) mai hamutuk iha-ne’e husi Organizasaun PSHT, Kra Sakti, KORK, no Sete-Sete (77) ami halo limpeza jerál iha sidade Dili keliling Dom Aleixo nian, no ida-ne’e Primeiru vez ba ami, ne’e mak husi Arte Marsiál ami ne’e ne’ebé ami garante katak ba oin ne’e ami sei hamutuk kria amizade hamutuk orgazasaun”, dehan nia.

Maske iha tempu uluk públiku dehan Arte Marsiál halo krime maibé dadaun deside hodi reintegra ba komunidade hodi hatudu sira-nia unidade iha komunidade leet. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter