Login to your account

Username *
Password *
Remember Me

Falur Promove Membru F-FDTL Hakarak Dezenvolve Instituisaun

Xefe Estadu Maior Jenerál FALINTIL-Forsa Defeza Timor-Leste (F-FDTL), Tenente Jenerál Falur Rate Laek, tula hela diviza ba ofiasl promovidu. Xefe Estadu Maior Jenerál FALINTIL-Forsa Defeza Timor-Leste (F-FDTL), Tenente Jenerál Falur Rate Laek, tula hela diviza ba ofiasl promovidu. Foto Suplay

Tempotimor (Dili)-Xefe Estadu Maior Jenerál FALINTIL-Forsa Defeza Timor-Leste (F-FDTL), Tenente Jenerál Falur Rate Laek hatete, nia parte hakarak dezenvolve Instituisaun FALINTIL-Forsa Defeza Timor-Leste (F-FDTL) hodi hadi’a lori ba oin, tanba ne’e promove membru sira.

“Tanba ne’e, mak ohin ita marka tan pasu istória ida iha dezenvolvimentu forsa armadas nian, ha’u hein katak, agora ne’e halo promosaun iha nível impliksaun iha komponente hothotu ne’ebé mak ohin loron 01 fulan-agustu tinan ne’e halo promosau”, dehan Tenente Jenerál Falur Rate Laek, iha salaun auditóriu Ministériu Defeza, Kuartel Jenerál Fatuhada, Dili, segunda (01/08).

Iha intensaun ne'ebé hakarak hadi'a nune'e promove militár hamutuk na’in-27 mak husi Major ba Tenente Koronel na’in-ida (1), Kapitaun ba Major na’in-rua (2) no segundu sarjentu ba sarjentu hamutuk na’in-ruanulu-resin-haat (24).

Nune'e husu ba Militár promovidu sira inklui sira seluk atu, kontinua dedika sira-nia an, hatudu dezempeñu ne'ebé di'ak no hatudu vontade hodi konkista tan pasu seluk ne'ebé mak sei mai.

“Siknifika ita-boot sira-nia didikasaun ho desenpeñu, mais tanba la’ós ida de’it, maibé ita-boot sira-nia sakrafisiu no vontade mak ita-boot sira konskista tan pasu ida mai oin, para depois ita bele dezenvolve forsa instituisaun ne’ebé ita hotu ita hodi malu ba malu hodi hari’i tempu ne’ebé naruk no susar nia laran”, afirma nia.

Tanba valór promosaun sira ne'ebé militár sira simu hanesan de'it, maibé kada diviza iha nia responsabilidade ketak, inklui mós soldadu hothotu hola parte iha prosesu nia laran.

Nune’e membru sira ne’ebé mak hetan promosaun, hothotu ho valór hanesan de’it, maibé responsabilidade mak la hanesan, mesmu soldadu amanesia ida, soldadu seguransa ida, maibé hothotu halo parte ida iha prosesu ida nia laran.

“Ne’ebé, siknifika ita-boot sira-nia esforsu mak sakrafisiu, ita-boot sira dedikasaun, esforsu tomak nomós ita-boot sira konkista negariva ho posizaun hanesan, maijor ba tenente kornel, kapitaun ba Maijor no segundu sarjuntu ba primeiru sarjentu sira, tanba ne’e, ha’u hakarak lori Estadu Maior Jenerál nia naran fó parabéns ba ita-boot sira”, hatete nia.

Ba membru durante bele konkista vitória balu, mais buat naruk mak promove, entaun presiza hadia displina instituisionál nomós displina familiar.

Ba dezenvolvimentu insititusaun F-FDTL tenke servisu ho di'ak atu nune'e labele mout ka mate iha dalan klaran.

“Imi halo buat rua ne’e di’ak, entaun ita sei la’o tan ba oin, se ita-boot sira la halo buat rua di’ak entaun ita bele mout fali iha dalan”, dehan nia.

Promosaun Diviza ba Militar iha Insitituisaun F-FDTL husi Komponente Navál promove membru na’in-54 inklui promosaun diturnidade ba militar Postu Kapitaun Tenente Graduadu Fuzileiru ba Postu Kapitaun Tenente Fuzileiru. (*)

Rate this item
(0 votes)
Last modified on Monday, 01 August 2022 23:09
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter