Login to your account

Username *
Password *
Remember Me

Komponente Navál Promove Membru Na'in-54 ba Primeira Sarjentu

Komandante Komponente Navál, Kapitaun Mar e Guerra, Higio das Neves tula hela diviza ba membru Promovidu iha Hera. Komandante Komponente Navál, Kapitaun Mar e Guerra, Higio das Neves tula hela diviza ba membru Promovidu iha Hera. Foto Tempo Timor

Tempotimor (Dili)-FALINTIL-Forsa Defeza Timor Leste (F-FDTL) husi Komponente Navál promove Membru sira husi postu segundu Sarjentu hamutuk na’in-54 ba Primeiru Sarjentu inklui promosaun diturnidade ba militar Postu Kapitaun Tenente Graduadu Fuzileiru ba Postu Kapitaun Tenente Fuzileiru.

Hafoin hafoin halo promosaun, Komandante Komponente Navál, Kapitaun Mar e Guerra, Higio das Neves husu ba Membru promovidu servisu ho responsabilidade hodi tane aas Komponente Navál iha Timor-Leste.

“Promosaun ema barak Kontente tanba ninia postu aumenta, osan mós aumenta, bonitu tan de'it mais ema barak haluha Katak, responsabilidade mós aumenta, kna’ar ida ne'ebé uluk ita iha postu ki'ik aumenta responsabilidade para ita book-an la di'ak, toba la dukur, loroloron hanoin saida mak ha'u halo ohin,  no saida mak halo aban”, dehan nia iha Komponente Navál, Hera, segunda (01/08).

Tanba Konsellu promosaun halo aprovasaun promosaun ida-ne'e iha tinan 2021, ne'ebé aprova bazeia ba Despaixu númeru 014/CEMG F-FDTL/2022, tanba ne'e mak komponente Navál halo promosaun ba militar iha Navál ne'e rasik.

Nune'e atu kontinua hadomi nia profisaun militár hodi serbí povu Timor ne'e ho fuan, liuhusi instituisaun ida.

“Ita-boot sira ne'ebé ohin hetan promosaun ida-ne'e, parabéns ba ita-boot sira tanba ita-boot sira-nia hahalok ne'ebé ita-boot sira hatudu durante tama tropa to'o mak ohin ne'e mak ita-nia Komandu Forsa Armada liuhusi Komandu Navál rekoñese ita-boot sira-nia serbisu”, hatete nia.

Tanba nee, kontinua hatudu respeitu ba malu, labele halo frontal hasoru superior sira, maibé ko'alia transparansia ba malu, oinsá mak halo koresaun ba malu.

Orienta, atu membru sira kontinua nafatin respeita, nia superior sira, mak hanesan, husi Cabo, Ajente to'o Komandi Superiór sira.

“Nune'e mós husu atu membru sira hatene ida-idak nia kna’ar serbisu husi soldadu, cabu, to'o komandante ida-idak tenke hatene nia kna’ar”, afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter