“Ita iha kazu ida ne’ebé mak akontese iha loron 20 fulan-Jullu tinan ne’e, maizomenus akontese iha oras 08:00, iha área Ponte CPLP Komoro, ema deskoñesidu uza motorizada Mio laiha sapa Matrikula no sira hadau telefone husi señora ida ho naran insiál G.M.S no vítima duni tuir to’o iha área Bebonok nian, sira soe hela telefone iha fatin no vítima hakilar nune’e komunidade sira hela iha área ne’eba konsege ka’er suspeitu no kontaktu kedas ba parte Polísia hodi entrega sira ba parte Polísia”, dehan Segundu Komadante Munisípiu Dili, Superentidente Assistente João Sancho Pires, iha nia kna’ar fatin, Kaikoli, sesta (22/07).
Dadaun ne'e suspeitu sira ho evidénsia iha ona komandu Munisípiu Dili, no suspeitu sira PNTL sei detein 72 oras hafoin prosesu ba Ministériu Públiku.
Suspeitu sira ne’e uza motorizada laiha sapa matrikula, maibé sira uza helem kompletu mak na’ok ema nian telefone no hadau ema nia sasán sira iha dalan-dalan.
“Nune'e kona-ba kazu sira ne’e, akontese beibeik ona, no ema mai hato'o beibeik ona, maibé ita rejistu hela ho ema deskoñesidu no kazu ida agora ita kaptura sidadaun na’in-2 ne'e rejistu ho númeru NUK 0363”, esplika nia.
Ba suspeitu sira ne’e, forma grupu mak la’o iha sidade Dili laran, ho nune’e mak kaptura ona Suspeitu na’in-rua ne’e aproveita buka tuir tan sira seluk ne’ebé mak iha hela, atubele kaptura hotu sira hirak ne'ebé sei iha. (*)
