“Futuru ita sei halo operasaun ba kada eskola, eskola sira iha Dili laran, ba universitáriu to'o eskola Sekundáriu e bele mós to'o Pre-sekundária, halo operasaun mak estudante sira laiha karta kondusaun ne’e laiha toleránsia ita sei lori mai detein hotu prosesu tuir dalan kriminál nian ne’ebé prevé iha artigu 207 kódigu penal Timor-Leste”, dehan Inspetór Domingos, iha Komandu Munisípiu Dili, kinta (21/07).
Antes ne’e, PNTL tama sai ona eskola sira iha Dili laran, liliu Universidade nomós Ensinu Sekundáriu ne’ebé halo ona sensibilizasaun rodaviáriu ba estudante sira.
“Apela nafatin ba estudante sira liliu ba estudante sira, iha kapitál Dili estudante barak mak laiha karta kondusaun, Universidade iha Dili hamutuk 11 parte PNTL liliu Komandu Munisípiu Díli, Polísia Seguransa Rodaviáriu fó hotu ona sensibilizasaun oinsá ema sidadaun tenke iha Karta Kondusaun”, afirma nia
Nune’e mós Eskola Sekundária sira iha Dili kuaze metade mak Polísia Seguransa Rodaviáriu sensibiliza lei kódigu de estrada. (*)