Print this page

Komisaun Rekoñese Rekrutamentu F-FDTL Tinan 2021 iha Fallansu Tékniku

Emblema F-FDTL. Emblema F-FDTL. Foto Suplay

Tempotimor (Dili)-Koordenadór I no II ba Komisaun Rekrutamentu FALINTIL-Forsa Defeza Timor-Leste (F-FDTL), Tenente Koronel Mário Baptista “Bersama” rekoñese, rekrutamentu ba kadete foun tinan 2021 iha duni fallansu tékniku.

“Sim komisaun rekrutamentu rekoñese katak iha fallansu tékniku ne'e razaun”, dehan nia ba jornalista sira liuhusi Konferénsia Imprensa iha Salaun Kuartel Jenerál F-FDTL, Fatuhada, kuarta (20/07).

Ba fallansu ne'e mosu tanba jestór ba baze dadu kadetes foun sira ne’e muda hotu ona ba fatin seluk, ne’e mak hamosu fallansu hirak ne’e.

“Tanba baze de dadus ne’ebé mak jestór ba baze dadus ne'e uluk iha ema seluk mak kaer, bainhira entrega fali ba jestór seluk kona-ba baze dadus ida-ne’e naran sira ne’e iha hela sistema naran sira ne’e ita sei taka sai nafatin”, dehan nia.

Makse kadetes sira ne'e halo protestu tanba sira liu hotu ona prosesu no rekézitu sira maibé ikus mak naran la mosu iha militár nian.

Antes ne’e, iha família no kadete balun ne’ebé mak protestu komisaun rekrutamentu iha Kuartel Jenerál F-FDTL, Fatuhada-D-li. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items