Login to your account

Username *
Password *
Remember Me

Evita Tranzasaun Ilegál, FM Husu Governu Fasilita Merkadu iha Fronteira

Diretór Ezekutivu Fundasaun Mahein (FM), Abel Amaral. Diretór Ezekutivu Fundasaun Mahein (FM), Abel Amaral. Foto Suplay

Tempotimor (Dili)- Organizasaun Naun Governamental (ONG), Fundasaun Mahein (FM), husu Estadu Timor-Leste ho Indonézia fasilita merkadu tradisionál konjunta iha liña Fronteira Terestre hodi evita sidadaun labele halo tranzasaun ilegál.

Diretór Ezekutivu Fundasaun Mahein (FM), Abel Amaral hatete, sidadaun hela iha fronteira halo tranzasaun ilegál la’ós foin akontese, maibé problema dala barak akontese, tanba ne’e tempu ona Governu tenke kria kondisaun fasilita merkadu tradisionál iha Fronteira Terestres

“Hanoin di’ak ne’ebé ami hakarak Governu halo mak tenke fasilita ita-nia sidadaun sira kria merkadu tradisionál konjunta ida iha fronteira, depois mak ita-nia autoridade seguransa sira kontrola ida-ne’e ita bele reduz ona tranzasaun ilegál”, dehan Abel iha kna’ar fatin Bairu Sentrál, tersa (19/07).

Ba atividade negósiu ilegál ne’ebé dala barak akontese ne’e mak mina rai ho gazolina no sasán nesesidade báziku sira seluk no atividade kulturál halo sidadaun sira sempre ultrapa tama no sai iha froneteira.

Bainhira Governu hanoin atu kria merkadu dahuluk mak Ministériu Komérsiu Industria no Ministériu Arte no Kultura tenke diskute regra hamosu despaixu ida atu regula sidadaun sira iha fronteira fa’an sasán labele viola regra.

“Sasán saida mak atu ita-nia sidadaun sira fa’an no ida ne’ebé mak bandu sidadaun sira labele fa’an ne’e ha’u hanoin Governu mak tenke kria regulamentu ida kona-ba sasán komerisiál nesidade báziku sira ne’ebé atu fa’an ne’e mak autoriza ida-ne’e lei bandu ne’e labele autoriza atu fa’an”, hatete nia.

Tanba ne’e atividade tranzasaun negósiu ilegál iha fronteira la’ós foin mak akontese, maibé ida-ne’e dala barak ona sosiadade sivíl sira preokupa no deputadu iha Parlamentu Nasionál rasik mós kestiona, tanba ne’e husu Governu tenke fasilita merkadu tradisionál iha fronteira atu evita tranzasaun ilegál.

Ba kestaun iha liña fronteira iha problema prinsipál rua hanesan nesidade báziku no kultura ida-ne’e mak durante akontese, tanba sidadaun sira iha fronteira abitua ona halo atividade ilegál, maibé husu Governu atu kria merkadu tradisionál ida iha fronteira hanoin bele evita.

“Ita husu Governu atu fasilita sidadaun sira atu labele halo atividade tranzasaun ilegál no movimentu kulturál ba tama sai mak tenke fasilita merkadu tradisionál ofisialmente iha fronteira mak parte autoridade seguransa kontrola ha’u hanoin ita bele evita ona ilegál’, esplika nia.

Bainhira Governu lakohi fasilita merkadu tradisionál, maibé tau importante ba kolokasaun autoridade integradu iha fronteira atu kontrola sidadaun sira ida-ne’e sei difísil, tanba nesidade báziku ho kultura ne’e abitua ona ba sidadaun iha fronteira.

Tanba ne’e, atu hadi’a sistema ilegál mak Ministériu Komersiu Industria ho Ministériu Arte no Kultura tur hamutuk diskute kona-ba prosesu fasilita merkadu tradisionál iha fronteira mak autoridade lokál no seguransa sira kontrola ida-ne’e evita ona ilegál.

“Ida-ne’e mak Governu la halo ita atu aumenta tan rekursu autoridade seguransa hanesan PNTL ho F-FDTL ba mós labele kontrola nafatin, tanba fronteira terestres ne’e área ida luan fasil ba sidadaun sira atu halo atividade tranzasaun ilegál”, haktenik nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter