“Hanesan sujestaun ida ke ami hato'o liuhusi liña Komandu para bele hato'o ba liña Ministeriál, posibilidade bele aplika merkadu livre ne'ebé mak antes ne'e loke”, dehan nia ba jornalista sira iha Salaun Maubara Room, Timór Plaza, tersa (19/07).

Tanba seidauk ativa Merkadu Livre nune'e difikuldade komunidade sira hela iha fronteira difísil asesu ba merkadu tanba ne'e mak komunidade sira komete la'o liuhusi dalan ilegál.

Antes Pandemia COVID-19 ne'ebé seidauk akontese iha Mundu inklui Timor Leste no Indonézia, Governu rua ne'e konsege instala merkadu livre iha fronteira hodi hodi halo negosiasaun entre sidadaun rai rua ne'e.

“Tanba pendemia ita taka tiha tiha rua nia laran, e agora bele normaliza ona mais nafatin aplika Pandemia nia regra nafatin maibé bele kabe ho kompeténsia relevante para realiza ida-ne'e”, afirma nia.

Dadaun seidauk halo reativasaun ba merkadu livre iha fronteira nune'e Komunidade sira ne'ebé mak la hela besik iha Fronteira Mota Ain difísil tebes atu tama ba Indonézia hodi hola sasán tuir nesesidade umanu nian tanba la'o dook.

“Embora ida ne'e difikuldade ne'ebé mak ita-nia komunidade sira hasoru mak distánsia, husi pontu entrada ba área rurál sira, naumedigas husi alto leves tenke mai iha mota ain, ne'e dook la halimar, ne'e oras tolu ka haat ho motorizada ka karreta maibé la'o ain dook liu ida-ne'e tanba ida-ne'e mak ita-nia komunidade komete la'o ilegál”, deklara nia.

Tanba ne'e iha semana ikus ne'e, Polísia Nasionál Timor-Leste (PNTL) husi Unidade Patrullamentu Fronteira konsege halo aprensaun ba sasán sira mak hanesan mina, ropa, materiál kultura nian, no sasán seluk tan.

PNTL halo aprensaun tanba komunidade sira halo tranzasaun ilegál, tanba ne'e mak husi ba Governu atu reativa filafali Merkadu livre iha fronteira. (*)