Login to your account

Username *
Password *
Remember Me

PNTL Asegura Eis Xefe Suku Oeleo Fa'an Kuda Ilegál ba Indonézia

Karreta Kamioneta ne'ebe tula hela kuda hodi halo atividade tranzasaun ilegal. Karreta Kamioneta ne'ebe tula hela kuda hodi halo atividade tranzasaun ilegal. Foto Suplay

Tempotimor (Dili)-Polísia Nasionál Timor Leste (PNTL) asegura Eis Xefe Suku Oeleo ho naran inisial (MS) husi hamutuk ho joven ida naran inisiál (JS) ida ne’ebé fa'an kuda liuhusi dalan ilegál ba nasaun viziñu Indonézia iha iha Suku Oeleu, Postu Administrativu Bobonaro, Munisípiu Bobonaro.

Tuir informasaun ne’ebé www.tempotimor.com asesu iha pájina ofisiál Servisu Relasaun Públika, tersa (19/07) katak, hafoin simu informasaun husi Servisu Informasaun Polísia Nasional (SIPN) ne’ebé destaka iha Munisípiu Bobonaro, Komandu PNTL Munisípiu Bobonaro hatun kedas diretiva ba Eskuadra PNTL Bobonaro, halo pasa revista no asegura sidadaun timoroan mane na’in-2 tanba halo tranzasaun ilegál ba kuda 4, iha Suku Oeleu, Postu Administrativu Bobonaro, Munisípiu Bobonaro.

Komandante Munisípiu Bobonaro, Superintendente Antonino Mauluta, deklara, sidadaun ida-ne’e asegura tanba tenta halo tranzasaun ilegál iha fronteira terrestre Timor-Leste ho Indonézia.

“Suspeitu na’in-rua ne’e ho inisiál JS, tinan 52, no suspeitu ida seluk naran MS nu’udar mós eis Xefe Suku Oeleu, tinan 54, no sira na’in-rua hela iha Aldeia Tas, Suku Oeleu, Munisípiu Bobonaro”, informa nia.

Tanba apreensaun ne’ebé PNTL halo ba karreta kamioneta ida ne’ebé tula kuda haat mak iha laran ho intensaun atu fa'an ba Indonézia.

“Iha oras 14.00 otl, iha Postu Administrativu Bobonaro nian membru PNTL Eskuadra Bobonaro halo pasa revista rutina konsege asegura suspeitu na’in-2 no prende kamioneta ida ho númeru matríkula 57.236, ne’ebé mak tula evidénsia kuda-4 liuhusi liña fronteira ba nasaun Indonézia”, hatete Komandante Mauluta.

Kuda sira ne’ebé mak joven aseguradu sira atu fa’an ba Indonézia ne’e sira hola iha Munisípiu Ainaru ho ho folin $1.240.00.

“Ita halo identifikasaun no sira hola kuda ne’e ho montante osan US$ 1.240.00, no kuda 4 ne’e hola iha Munisípiu Ainaro ho nia objetivu lori ba fa’an iha Atambua-Indonézia”, deklara nia.

Tanba ne’e, iha loron horisehik to’o ohin loron Komandu Munisípiu servisu koletivu kaptura ona timoroan hamutuk ema na’in 8 no sei falta tán seluk ne’ebé UPF kaptura no komunidade sira ne’e maioria halo tranzasaun ilegál iha liña fronteira. (*)

Rate this item
(1 Vote)
Last modified on Tuesday, 19 July 2022 14:20
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter