Login to your account

Username *
Password *
Remember Me

PNTL Detein Estudante Na’in-Rua Laiha Karta Kondusaun

Ilustrasaun detein sidadaun iha Sela. Ilustrasaun detein sidadaun iha Sela. Foto Espesial

Tempotimor (Dili)-Polísia Nasionál Timor-Leste (PNTL) liuhusi Sesaun Polisia Tránzitu Munisípiu Dili kaptura estudante na’in-rua (2), kompostu husi feto ida no mane ida hodi detein iha sela durante oras 72, tanba kontra regra lei kódigu estrada.

Komandante Sesaun Polísia Tránzitu Munisípiu Dili, Inspetór Polísia Domingos Sarmento Gama hatete, estudante na’in-rua, ida feto ho inisiál AJH idade 17, Eskola iha eskola Sekundária Kristal PNTL kaptura iha loron domingu (17/07) tuku 05:20 iha área Bidau Santana no ida mane ho inisiál FGS idade 21 eskola iha UNPAZ kaptura iha área Grecenfore Kolmera, tanba komete krime infrasaun laiha karta kondusaun.

“Horisehik ita halo kapturasaun ba Estudante Na’in-rua ida husi eskola Kristal ho naran inisiál AJH feto idade 17 no estudante husi Universidade da Paz (UNPAZ) naran inisiál FGS mane ho idade 21, hodi mai detein iha sela komandu PNTL Dili, tanba sira rua komete krime infrasaun laiha karta kondusaun”, dehan Domingos, iha kna’ar fatin PNTL Kaikoli, segunda (18/07).

Ba sidadaun na’in-rua hanesan estudante konduz motorizada, bainhira viola regra lakohi koopera ho PNTL tenta atu halai husi fatin, tanba sira komete infrasaun hanesan krime, ida ne’ebé mak konduz sein karta kondusaun kontra kódigu Penál iha  artigu 207, tanba laiha karta kondusaun.

“Estudante na’in-rua ne’e ita kaptura sira, bainhira ita-nia ekipa halo patrollamentu kalan, bainhira sira tama iha área pasa revista estrada públiku ita identifika sira laiha karta kondusaun, laiha sapa matrikula, no espellu motorizada laiha, depois sira lakohi atu koopera, e tenta atu halai no soke ita-nia membru Tránzitu, ida-ne’e mak iha kaptura detein sira”, esplika nia.

Estudante mane ida husi UNPAZ ne’e konduz motorizada sein karta kondusaun no la uza kapasete nomós asesár la kompletu tula nia kolega  iha estrada públiku.

“Tanba ne’e ita-nia sidadaun estudante na’in-rua ne’e ita sei detein sira iha sela kumpri oras 72 hafoin ita aprezenta ba Ministériu Públiku ho Tribunál mak foti desizasaun, tanba sira viola regra laiha karta kondusaun”, hatete nia.

Entretantu tuir dadus operasaun PNTL husi Sesaun Polísia Tránzitu Munisípiu Dili hahú iha loron 11 to’o iha 15 fulan-jullu konsege aplika ona infrasaun ba motorizada hamutuk  53 laiha sapa matrikula, karta kondusaun rua mate, loron inspesaun liu prazu 5 konduz karreta mikrolete fuma ida, laiha asesór 5 totál hamutk infrasaun iha semana iha hamutuk 248 sidadaun viola regra kódigu estrada iha kapitál Dili. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter