Print this page

Governu Laiha Posibilidade Interven Movimentu Ilegál iha Kosta Súl

Minisru Defeza (MD), Filomeno Paixão. Minisru Defeza (MD), Filomeno Paixão. Foto Suplay

Tempotimor (Dili)-Minisru Defeza (MD), Filomeno Paixão hatete, Governu dadaun ne’e laiha posibilidade atu interven movimentu ilegál sira iha Kosta Súl, tanba ró ne’ebé asegura iha parte ne’ebá avaria totál.

“Movimentu ilegál iha kosta súl, ami iha koñesimentu maibé ita laiha posibilidade atu intervensaun”, dehan nia hafoin hasoru malu ho Primeiru Ministru, Taur Matan Ruak, iha Palásiu Governu, sesta (15/07).

Tanba kondisaun ró sira ne’ebé mak halo seguransa iha ne’ebá (Kosta Súl) avaria hotu nune’e fó impaktu negativu ba nasaun Timor-Leste.

“Certamente impaktu boot liu, tanba ita agora manutensaun atraza, manutensaun halo iha tinan kotuk mais sira manán tender sira husu liu fali, ita aumenta osan ita filafali ba tinan ida-ne’e”, afirma nia.

Ba totál orsamentu ne’ebé mak aumenta ba kompaña ne’ebé manán renderizasaun ba manutensaun ró sira ne’ebé kontrola iha tasi mane hamutuk $300.000.00.

“Tinan ida-ne’e komesa halo manutensaun iha Behau, orsamentu aumenta ne’e serka de $300.000.00 tinan kotuk la konsege entaun tinan ida-ne’e atu halo manutensaun ne’e ba Ró rua ne’ebé mak ita hola iha Xina ne'e ho tan Ró rua ne’ebé ita ba hola iha Surabaya”, informa nia.

Manutensaun Ró haat ne'e hala'o iha Timor-Leste no kompaña ne’ebé mak halo konstrusaun ne’e sei iha prosesu renderizasaun. (*)

Rate this item
(0 votes)
Last modified on Friday, 15 July 2022 15:04
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items