Login to your account

Username *
Password *
Remember Me

PNTL Sei Rekolla Karreta Aat iha Estrada Públiku

Karreta no motorizada marka Dayun at no para hela iha área Farol. Karreta no motorizada marka Dayun at no para hela iha área Farol. Foto Tempo Timor

Tempotimor (Dili)-Polísia Nasionál Timor-Leste (PNTL) liuhusi Sesaun Polisia Tránzitu Munisípiu Dili planu sei kordena ho Patrimóniu Estadu atu rekolla kaereta aat ne’ebé estasiona permanente iha estrada públiku.

Komandante Sesaun Polísia Tránzitu Munisípiu Dili, Inspetór Domingos Sarmento Gama hatete, komandu PNTL Munisípiu Dili hasai ona orientasaun ba Tránzitu Dili atu rekolla karreta aat ne'ebé estasiona iha estrada públiku, tanba ne’e sei kordena ho Patrimóniu Estadu atu apoiu karreta boot hodi tula.

“Ita planu ona sei kordena ho Patrimóniu Estadu apoiu karreta trontong boor ida atu tula karreta aat ne’ebé estasiona permenente iha estrada públiku, atu labele prezudika engrafamentu ho asidente trafégu”, dehan Domingos iha Kna’ar fatin PNTL, Kaikoli, kinta (14/07).

Problema ne’e durante impede servisu Polísia tránzitu Dili mak kondisaun transporte atu ba foti karreta aat sira iha dalan ne’e mak la iha, ezemplu trotong atu ba hit karreta aat sira ne’e laiha, tanba ne’e PNTL sei servisu hamutuk ho Patrimóniu Estadu tempu besik sei tun ba rekolla hotu.

“Ita foin lalais iha 20 Maiu loron boot restaurasaun independénsia ba dala 20, ita-nia Bainaka Very Important Pesent (VIP) mai barak ita servisu hamutuk ho patrimóniu estadu foti karreta aat hamutuk tolu komunidade sira estasiona permanente iha estada públiku besik área Aeroportu Nicolao Lobato nian’, informa nia.

Tanba ne’e, atividade operasaun ba Tranporte aat sira iha estrada públiku ne’e sesaun Polísia Tránzitu hahú prepara ona planu atu rekolla hotu, tanba orden komandu PNTL Munisípiu Dili hatun hasai ona atu foti hotu karreta aat sira estasiona iha bairru laran iha munisípiu Dili.

“Ha’u rasik mós resposta ona  orden husi ita-nia Komadante Munisípiu Dili, atu halo pedidu ba ita-nia lojistika PNTL Nasionál atu apoiu iha transporte trontong ida ita semana ida ka fulan ida hanesan ne’e ita bele halo operasaun, hotu mak ita bele entrega fali”, hatete nia.

Servisu ida atu halo atuasaun ba karreta ho motorizada aat para iha estrada públiku ne’e, servisu PNTL nian, maibé tenke envolve patromóniu estadu, tanba parte patromóniu estadu mak iha ekipamentu karreta trontong atu tula.

“Ita nafatin husu sidadaun sira ne’ebé mak na’in ba karreta aat sira iha kapitál Dili, tenke iha fatin privadu atubele asegura ita-boot sira-nia karreta aat labele uza fali estrada públiku hodi estasiona permanente”, dehan nia.

Tanba ne’e sidadaun sira rona halo tuir iha vontade rasik hasai sira-nia karreta aat iha estrada públiku ne’e di’ak liu, maibé la rona mak PNTL tun sei foti hotu karreta sira ne’e, tanba okupa espasu públiku hodi impede ema seluk nia movimentu iha estrada.

Entretantu tuir dadus ne’ebé www.tempotimor.com asesu husi Sesaun Polísia Tránzitu Munisípiu Dili iha tinan 2021 to’o iha Maiu tinan 2022 konsege rekolla karreta aat iha estrada publiku hamutuk 7 iha área juridiku Munisípiu Dili nian. (*)

Rate this item
(0 votes)
Last modified on Thursday, 14 July 2022 15:29
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter