MDS Filomeno: Polisia Balun Toba de’it iha Uma Joga Karta

Ministru Defeza no Seguransa (MDS) Fiomeno Paixão de Jesus ko'alia hela ba jornalista sira Ministru Defeza no Seguransa (MDS) Fiomeno Paixão de Jesus ko'alia hela ba jornalista sira Foto Aekivu

Tempotimor (Dili)-Ministru Defeza no Seguransa (MDS) Fiomeno Paixão de Jesus hato’o tan kritika ba membru Polisia Nasionál Timor Leste relasiona ho situasaun seguransa ne’ebé kontinua la estavel.

Tuir Ministru Filomeno, situasaun seguransa la estavel la’os tanba númeru pesoal seguransa mak la to’o, maibé tanba PNTL mak seidauk fahe serbisu ho loos.

“Seguransa sira hala'o serbisu balun toba iha uma laran hodi joga karta," dehan Ministru ne’e.

Tan ne’e, Filomeno dehan, seidauk iha nesesidade atu halo rekrutamentu ba membru PNTL foun.

Molok halo rekrutamentu, nia hatutan, PNTL presiza hadi’a uma-laran, disiplina, hadia komando no halo kapital Dili sai ordenadu.

Relasiona ho seguransa ba loron finadu ne’ebé besik daudauk ona, Ministru ne’e dehan, nia fó ona dirativa ba Komando PNTL no hasai ona ba Komando hotu-hotu atu asegura seguransa dezde 14 Setembru to’o fulan Janeiru tinan oin.

"Agora ha’u hatene dehan operasaun iha terenu la'o 24 oras nia laran la falta," dehan Filomeno.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.