Login to your account

Username *
Password *
Remember Me

Semana ne’e, F-FDTL Sei Anúsia Lista Kandidatu Selesionadu 600 iha Munisípiu

Ministru Defeza (MD), Filomino da Paixão de Jesus (karuk), hamutuk ho Xefe  Estadu Maiór Jenerál das F-FDTL, Tenente Jenerál Falur Rate Laek, hala’o konferensia imprensa iha Kuartel Jenerál Fatuhada. Ministru Defeza (MD), Filomino da Paixão de Jesus (karuk), hamutuk ho Xefe Estadu Maiór Jenerál das F-FDTL, Tenente Jenerál Falur Rate Laek, hala’o konferensia imprensa iha Kuartel Jenerál Fatuhada. Foto Suplay

Tempotimor (Dili)-Ministru Defeza (MD), Filomino da Paixão de Jesus informa, Komisaun Rekrutamentu Falintil-Forsa Defeza Timor-Leste (F-FDTL) dadauk ta'es ona dokumentu husi kandidatu hamutuk 1800, iha semana ne’e nia laran sei anunsia lista kandidatu na'in-600 ne’ebé liu ona selesaun dokumentu iha Munisípiu 13 inklui Rejiaun Administrativu Espesiál Oekusi Ambeno (RAEOA).

“Tuir proposta mai husi Xefe  Estadu Maiór Jenerál das F-FDTL, Tenente Jenerál Falur Rate Laek, katak atu reverifika de’it dokumentu husi aplikante sira ne’ebé mak in-aptu, iha prosesu  selesaun 2021, hamutuk 1800. Komisaun rekrutamentu halo ona filtrajen ba ema sira ne’e, tuir fita de tempu ne’ebé estabelesidu, sira sei ba taka naran iha munisípiu iha semana-oin”, dehan  Filomino liuhusi Konferénsia Imprensa iha Kuartél Jenerál, F-FDTL, Fatuhada, sesta (08/07).

Rekezitu sira ba rekrutamentu ne’e, sei la’o tuir nafatin prosesu rekrutamentu ne’ebé mak hala’o ona iha tinan 2021 katak membru ne'ebé sei pasa ne'e ho idade mínimu no másima mak 18 to’o 25, no tenke sidadaun timoroan. 

Diretór Jerál Ministériu Defeza (MD), Nuno Carvalho Santos hatete, haree desizaun komandu FALINTIL-Forsa Defeza Timor-Leste nian, sira hamutuk ho ekipa Komisaun Rekrutamentu, hodi halo filtrasaun ka ta’es bá lista kandidatu sira ne’ebé hatama ona dokumentu iha rekrutamentu 2021 nian.

Iha prosesu rekrutamentu 2021, Komisaun Rekrutamentu distribui formuláriu ba sidadaun foinsa’e feto no mane sira iha territóriu nasionál, hamutuk rihun-22. Maibé, sira rekolla de’it totál formuláriu hamutuk rihun-12.

Tanba ne'e filtra ka ta'es filafali hodi sai aptu nomós in-aptu ne’e iha rihun-9 no 2.400 mak pasa iha aptus. Tanba ne’e iha tinan 2021 sira ba tuir teste iha Metinaro.

Maibé, balu tama ona ba fileira forsa armada, no restu ne’e mak agora Komisaun Rekrutamentu sei filtra fali hodi bele ba kontinua tama iha fileira forsa armada nian iha tinan 2022 ne’e.

Rekrutamentu ida-ne’e, Governu ho Komandu F-FDTL deside fó prioridade ba veteranu nia oan sira ne’ebé uluk sakrifika-an durante prosesu luta ba libertasaun nasionál.

Purtantu Orsamentu ba prosesu rekrutamentu ne’e, hamutuk $500,000-resin no tuir planu membru hamutuk na’in-600 ne’e, 240 sei koloka ba komponente navál, 240 ba komponente terrestre, no na’in-120 koloka ba unidade sira-seluk. (*)

Rate this item
(1 Vote)
Last modified on Monday, 11 July 2022 11:18
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter