Login to your account

Username *
Password *
Remember Me

PNTL Husu Inan Aman Kontrola Oan Konduz Transporte

Komandante Sesaun Polísia Tránzitu Munisípiu Dili Inspetór Polísia, Domingos Sarmento Gama. Komandante Sesaun Polísia Tránzitu Munisípiu Dili Inspetór Polísia, Domingos Sarmento Gama. Foto Suplay

Tempotimor (Dili)-Polísia Nasionál Timor-Leste (PNTL) liuhusi Sesaun Polísia Tránzitu Munisípiu Dili husu ba Inan no Aman sira tenke responsabilidade ba oan sira ne'ebé idade seidauk to’o, maibé konduz ona transporte motorizada no karreta iha estrada públiku.

Komandante Sesaun Polísia Tránzitu Munisípiu Dili Inspetór Polísia, Domingos Sarmento Gama hatete, dadaun ne’e iha kapitál Dili  estudante ho idade minoridade barak mak konduz transporte hanesan motorizada no balun lori karreta, tanba ne'e husu resposabilidade ba inan aman tenke tau matan ba oan sira bainhira envolve iha kazu krime asidente.

“Oan sira ne'ebé kompleta ona idade 15 ba leten, ita inan aman fasilita oan sira ho transporte atu ba eskola, maibé ita inan aman responsabilidade tenke prense mós deklarasaun atu kompleta dokumentus ba iha ita-nia Diresaun Nasionál Transporte Terreste, (DNTT), iha  sesaun ida ne’ebé atende karta kondusaun hodi nune’e oan sira bele lori transporte”, dehan Domingos, iha kna’ar fatin PNTL Kaikoli, kinta (07/07).

Tanba ne’e sidadaun sira ne’ebé hela iha kapitál Dili hanesan estudante inan aman osan iha atu hola transporte ba oan keta haluha mós responsabilidade ida esensiál liu ba inan aman sira mak banhira entrega transporte tenke buka dalan tuir lei kódigu estrada númeru 06/2003, iha artigu 120 hatete katak ba sidadaun sira ne’ebé mak direitu atu hetan karta kondusaun tuir idade sira ne'ebé mak lei hatete.

Bainhira inan aman fasilita oan ho transporte kareta ho motorizada iha karta kondusaun ho deklarasaun ruma tama iha área pasa revista mak Polísia hetan ho ilegalmente laiha autorizasaun ruma kontra lei kódigu estrada 207, PNTL sei bolu inan aman husu responsabilidade.

Tanba ne’e, PNTL husu ba sidadaun sira ne’ebé idade sei ki’ik tama iha pasa revista ka envolve insidente no asidente ruma ne’e problema boot, tanba seidauk iha autorizasaun atu lori transporte iha estrada públiku.

“Labarik idade menos lori karreta ho motorizada iha estrada públiku siknifika dokumentu kompletu, tanba ne’e ita ita apela ba inan aman sira ne’ebé mak hela iha kapitál Dili, tanba númeru movimentu ne’e aas tebes, diferente ho munisípiu seluk, asidente mós numeru aas iha Kapitál Dili mak la rona oan halo sala inan aman mak sei hatan responsabilidade”, afirma nia.

Ba atividade atuasaun ba estudante sira ne'ebé idade menor lori karreta ho motorizada, la’o hela inklui atividade sensebilizasaun lei kódigu estrada ba eskola iha kapitál Dili hanesan universidade 11 mak remata ona iha tinan kotuk.

“Ba eskola sekundáriu sira mak seidauk finaliza, eskola sekundáriu dala ruma hela fulan rua para finaliza ba parte sensibilizasaun atu estudante sira bele iha koñesimentu ba regra lei kódigu estrada, maibé sira hatene tiha mak oan sira viola no laiha karta kondusaun bolu inan aman responsabilidade”, hatete nia.

Tanba lei kódigu estrada iha artigu 120 hatete estudante sira ne’ebé mak menoridade ho idade kompleta ona 16 ba leten sira atu hetan karta kondusaun tenke prense rekizitu.

“Ita-nia atuasaun loroloron la’o hela no ba oin kontinua nafatin, ba estudante sira menoridade, tanba tuir lei ita la bele detein sira bainhira idade sei menor envolve iha krime, maibé ita bolu inan aman hola resposabilidade”, esplika nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter