Komandante UPF, Superintendente Euclides Belo hatete, membru UPF hamutuk ho F-FDTL konsege halo kapturasaun ba sidadaun hirak ne’ebé halo transasaun ilegál iha liña fronteira.
“Los duni ita-nia membru Servisu Sekreta hamutuk ho F-FDTL halo vizilánsia no identifika transasaun ilegál iha área Nunura no halo kedas aprensaun ba karreta rua ho marka Avanza no Carry hamutuk ho evidénsia sira mak hanesan, gazoel litru 35 masa hamutuk 25, sigaru marka Armour Black kaixa 4 (kartolina 320 hamutuk 3200 kaixina) mak ita prende”, deklara Komandante Euclides Belo, iha nia Kuartel UPF Nu Badak, ne’ebé www.tempotimor.com asesu iha pájina Servisu Relasaun Públika, segunda (04/07).
Bazeia ba informasaun ne’ebé rekolla katak sasán hirak ne'e lori tama husi fronteira Indonézia nian mai iha Munisípiu Maliana.
“Oras ne’e daudaun ita entrega ona sidadaun sira hamutuk ho evidénsia ba Komandu PNTL Munisípiu Bobonaro hodi kontinua ba prosesu investigasaun no sei prosesa tuir lei ne’ebé vigor iha ita-nia nasaun”, hatete nia.(*)