Login to your account

Username *
Password *
Remember Me

DNMG Alerta Laloran Tasi Kontinua A’as iha Kosta Súl

Imajen ne'ebe hatun husi Diresaun Nasionál Meteorolojia no Geofizika (DNMG). Imajen ne'ebe hatun husi Diresaun Nasionál Meteorolojia no Geofizika (DNMG). Foto Suplay

Tempotimor (Dili)-Ministériu Transporte no Komunikasaun (MT) liuhusi Diresaun Nasionál Meteorolojia no Geofizika (DNMG) alerta ba ba populasaun Timor-Leste laran tomak katak, laloran tasi sei kontinua a’as iha Parte Kosta Súl ninia.

Tuir informasaun ne’ebé www.tempotimor.com asesu iha pájina DNMG, sábadu (02/07) katak, previzaun tempu ba loron sesta (01/07) fó atesaun ba populasaun kona-ba laloran tasi kontinua a’as iha Kosta Súl hanesan munisípiu Lautein, Vikeké, Covalima, Manatutu-Natarbora no Manufahi.

Maibé ba Kondisaun tempu atuál dadaun maioria munisípiu naroman ho kalohan balun kuaze iha territóriu nasionál, exceptu husi kosta súl husi munisípiu Lautein, Vikeké, Covalima, Manatutu-Natarbora no Manufahi mak kalohan taka possibilidade udan suviska.

Tuir previzaun hatudu katak iha parte lokraik maioria munisípiu kalohan sei taka no possibilidade udan suviska-moderadu kuaze iha territóriu Timor laran hotu prinsipalmente iha rejiaun (foho) no (kosta súl) Ila Timor nian, akompaña anin hu'u ho velosidade normál ba moderadu.

Nune’e mós ba temperatura anin ninian ne’ebé iha mak temperatura másimu previstu iha munisípiu Dili, Covalima, Vikeké no RAEOA ho valór 30-31 graus selsiu, no mínimu previstu iha Ainaru no Ermera ho valór 18-23 Grau selsiu.

Ba kondisaun laloran ninan mak Kosta Norte laloron nia a'as 0.5-1.6 metru (normal to’o moderadu), no iha kosta súl laloron nia a'as 1.3-2.3 metru (moderadu).

Tanba ne’e informa nafatin ba komunidade em jerál iha teritóriu Timor laran hotu atu akompaña informasaun ba kondisaun tempu no klima husi fonte ne'ebé konfiavel no kredivel liliu instituisaun ka autoridade ne'ebé servisu iha ramu Redusaun Risku Dezastre nian.

Haree ba eventual ne'e akontese tanba hetan influénsia husi sistema meteorolojiku sira ne'ebé estabelese, La-Nina, IOD NEGATIVU, MJO no diferensa presaun ne'ebé mak atualmente observa, iha ne'ebé intensifika no impulsiona Brisa maritima (fator lokál). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter