Prezidente Komisaun B PN, Agostinho Siqueria ‘Somotxo’ hatete,  halo ona enkontru urjente ho Polísia Sientifika Investigasaun Kriminál (PSIK) hodi ko’alia kona-ba kazu tráfiku umanu ne’ebé akontese dadaun iha Timor-Leste.

“Ha’u sei konvoka servisu migrasaun, intelejénsia migrasaun kriminál atu fó fali medida foun atu kombate ou buka fali ita-nia maluk ou joven sira ne’ebé iha liur ne’e la’ós para deporta fali maibé halo filafali mai Timor”,  dehan Agostinho iha Parlamentu Nasionál, kinta (30/06).

Dadaun ne’e servisu ligadu ba Servisu Investigasaun kriminál, Servisu informasaun no Servisu imigrasaun Hau Bolu Sira urjente Nee tanba hothotu haree tráfiku umanu ne’ebé akontese, tanba ne’e krime organizadu Timorona rasik mak envolve hamutuk ho sidadun estranjeiru.

“Ida-ne’e mak ha’u sempre hatete Timor-Leste ida la bele halai tuir buka solusaun Timor-Leste tenke buka medida atu prevensaun agora mosu ona mak ita buka medida prevensaun, ida-ne’e ba ha’u difísil tebes tanba ne’e sei akontese nafatin wainhira laiha medida ba prevensaun, ne’e mak  sira ne’ebé taka dalan no loke dalan”, afirma nia.

Nune’e Komisaun B iha preokupasaun bolu instituisaun sira ne’ebé kompotente ba área ne’e. Tanba instituisaun kria atu haree ema bainhira tama mai ho dokumentu no ema la bele tama wainhira dokumentu laiha.

“Ha’u komprende ita iha Timor laiha empregu maibé molok atu ba liur pelo menus liuhusi institusaun sira ne’ebé kompotente hanesan migrasaun wainhira atu ba maibé la bele ida halai subar ba Bali tutan ba Alemaña no seluk tan”, dehan nia.

Aliende ne’e ba família no inan aman ne’ebé aseita hodi gasta osan oan sira ba rai-liiur la liuhusi dalan legál hanesan hamosu problema ne’ebé sai preokupasaun boot tráfiku umanu.

“Oinsá mak ita kombate krime organizadu iha ita-nia rain ne’e hanesan pasu dahuluk nom’os teste ida mai Estadu Timor-Leste, depois aat liu mak hanesan to’o momentu ida ita hetan sansaun, sansaun hanesan husi nasaun sira ne’ebé apoia ita ba konsolidasaun ba Estadu hanesan ba ita-nia ekonomia”, afirma nia. (*)