Print this page

Governu Selebra Akordu ho UNPAZ ba Prosesu Edifísiu PNTL iha Teritóriu

Komandante Jerál PNTL, Komisiáriu Faustino da Costa. Komandante Jerál PNTL, Komisiáriu Faustino da Costa. Foto Suplay

Tempotimor (Dili)-Ministériu Interior (MI) dadauk selebra ona akordu ida ho Universidade da Paz (UNPAZ) atu halo analizasaun no peskiza hodi halo prosesu dezeñu ba edifísiu Komandu no Eskuadra Polísia Nasionál Timor-Leste (PNTL) iha territóriu tomak.

“Ha’u hanoin kona-ba kapitál ninian ne'e komandu PNTL ne'ebé haree administrasaun aprezenta ona ba Ministériu Interior, ne'ebé Ministériu haree ona. Depois ita-boot sira akompaña gabinete husi Vise Ministériu nian halo akordu ida ho UNPAZ atu ita-nia alin estudante sira ne'ebé iha área Enjeñária Sivíl bele halo survei ka peskiza ida ba eskuadra e komandu Munisípiu sira, pois hodi ikus mai bele dezeña, sá edifisiu mak bele merese duni iha ne'ebá”, dehan Komandante Jerál PNTL, Komisiáriu Faustino da Costa, iha PN, sesta (01/07).

Tanba ko’alia kona-ba edifísiu atuál kompara ho edifísiu ne'ebé mak públiku hakarak iha tinan sanulu mai, hanoin lahanesan, tanba volume husi edifísiu ne'e nia kapasidade atu akomoda ka tau ema hira ne'e presiza iha estúdu.

“Agora atuál se pruzemplu iha Dili ho ema atusida (100) maibé ba futuru hanesan tinan sanulu tan mai ne'e Dili labele ho ema atusida, até edifísiu ida hanesan ne’e”, afirma nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items