Sekretáriu Estadu Protesaun Sivíl (SEPS), Joaquin Jose Gusmão dos Reis Martins hatete, udan-boot ne’ebé mak akontese konsege estrada komunidade nia uma no ponte balun iha Munisípiu Vikeké, Lautein no Covalima.

“Totál uma-kain iha Vikeké ne'ebé mak agora dadauk SEPS update provizóriu ne'e hamutuk uma-ka’in 176 mak hetan Estragu. Iha akontesementu  ne'e la’ós estraga de'it  komunidade sira-nia uma, maibé estraga mós ponte ida ligasaun entre Uatulari ba Uatukarbau ponte kotu.  Nomós ponte Maluru ligasaun Vikeke Vila ba Postu Administrativu Uatulari”, dehan Joaquim iha nia kna’ar fatin Kaikoli, sesta (01/07).

Ba situasaun ne'e, pesoál SEPS ho autoridade Munisípiu sira hamutuk ho parseiru sira liliu Polísia Nasionál Timor-Leste (PNTL) inklui Cruz Vermelha Timor-Leste (CVTL) iha Vikeké rekolla ona dadus provozóriu.
Dadus provizóriu iha Munisípiu Vikek’e  Postu Administrativu Vikeké Vila, Suku Uma Lete, hamutuk uma-ka’in 50, no uma-kraik hamutuk uma-ka’in haat.

Nune’e Postu Administrativu Uatulari ne'e akontese iha suku Makadiki, ne'e uma-ka’in ida, nomós iha Postu Administrativu Uatukarbau, suku Uani-Uma hamutuk uma-ka’in ruanulu-resn-lima (25) hetan afetadu. 

Akontesimentu udan monu rai ne'e la’ós iha Vikeké de'it maibé mós iha Munisípiu Covalima, Postu Administrativu Suai, SEPS deteta iha família Uma-ka’in haat mak hetan estragu. Nomós mota ida besik madre sira-nia rezidénsia antes tama ba Suai nian, iha ne'ebá mota sa'e no hamosu inundasaun maka’as, hodi difkulta movimentu transporte Públiku.

Maibé husi uma-ka’in haat ne'ebé mak hetan estragu iha Suai ne'e agora dadauk evakua hotu ona ba eskola vokasaionál Suai Loru.

Situasaun iha Suai, dadauk SEPS mós simu informasaun provizóriu husi parseiru sira katak dadauk Suai mós iha Ponte ida komesa ameasadu atu kotuk, maibé SEPS ho parseriu sira sei nafatin foti dadus.

Enkuantu iha Munisípiu Lautein, Postu Administrativu Lospalos seidauk hetan dadus konkretu kona-ba uma-ka’in sira ne’ebé sai hanesan afetadu ba mudansa klimátika ne'ebé akontese iha loron kinta (30/06).

Maibé tuir informasaun ne'ebé SEPS asesu husi entidade relevante katak rai halai taka tomak estrada iha  Postu Administrativu Lospalos.

Ho situasaun hirak ne'e parte husi SEPS hamutuk ho parseiru sira mós tun ona ba fatin akontesimentu hodi fó apoiu ba família sira ne'ebé mak hetan sofre.

Tanba udan-boot ne'ebe akontese, SEPS haree katak mundasa Klimátika ne'e muda duni, tanba uluk ne'e nunka haree akontese udan-boot entre fulan-juñu nia laran.

Tanba ne'e, SEPS fó hanoin nafatin ba komunidade sira hotu, liliu sira ne'ebé mak hela iha fatin risku ka dezastre nian atu tau atensaun nafatin nune’e udan komesa boot ona, besik oras ida tenke evakua.

Maibé kona-ba apoiu sira ne'ebé mak SEPS prepara, normalmente, servisu hamutuk ho autoridade lokál nomós  parseiru sira, hodi hahán mak hanesan fós Supermi, Laterias, susus been ba labarik.

“Tinan tinan ita sempre tau orsamentu ba ida-ne'e, nomós ita sei iha stok materiál, agora ita uza hidi apou ba vitíma sira nomós fós iha armajen mós sei iha, enkuantu orsamentu ba tinan ida-ne'e ita tau purvolta juta atustolu-resin ne'e prepara ba Munisípiu sira hotu”, informa nia. (*)