“Ha'u hanesan primeiru Prezidente foun ba autoridade protesaun sivíl (APS), protesaun hanesan pilar ida husi pilar rua seluk atu komplementa iha sistema seguransa nasionál, rua seluk mak defeza nasionál seguransa interna, protesaun sivíl”, dehan Prezidente Autoridade Protesaun Sivil, Ismail da Costa Babo, hafoin simu pose, iha edifisiu APS, Kaikoli, kuarta (29/06).
Tanba kompromisiu ba futuru sei hadi'a kondisdaun sira nesesidade báziku iha fatin atu protesaun sivil bele operasionaliza no halo atendimentu.
“Ha'u destaka importante liu iha ha'u-nia diskursu, atu hato'o ba na'in-ulun sira, apoiu protesaun sivíl ida, liliu ba nia sub-tema adekuadu, para ita bele operasionaliza ba situasaun saida de'it, fatin ida ne'e úniku ba situasaun emerjénsia”, dehan Ismail.
Tanba ne’e, husu ba parte Estadu tomak, atu servisu hamutuk rezolve, fiskaliza fatin sira ne'ebé riaku ba dezastre naturál, durante ne’e fó impaktu ba komunidade sira.
“Ha'u husu mós ba entidade tomak atu kopera malu atu fó protesaun ba komunidade sira ne'ebé hela besik iha fatin risku, protesaun hanesan liña primeiru ba risku dezastre maibé sei husu apoiu ba parte hothotu nia kontribuisaun fó solusaun ba situasaun ne’e”, afirma nia.
Maibé iha preoridade ba protesaun siv’il haat ne'ebé mak sei lori ba oin, tuir mós mandatu polítika ne'ebé Sekretáriu Estadu Protesaun Sivil, nomós programa Governu Konstitusionál daulau ninian.
“Importante ida kontinua elavora parte lejislasaun, tanba lei balu ne'ebé ita presiza komplementa tan, ohin ha'u informa katak ita iha Konsellu Ministru, importante ida mak lei ba sistema operasaun protesaun sukoru, para bele fortesaun ba ita-nia pesoal sira ne'ebé profesionál sei iha estatutu propriu ida”, hatete nia.
Ba Regulamentu disiplinar propriu, regulamentu remuneratóriu propriu ba sira, tanba presaun sivíl sei operasaun hanesan ho Polísia Nasionál Timor-Leste (PNTL) no Falintil-Forsa Defeza Timor-Leste (F-FDTL) hala'o servisu 24 oras.
Iha toma posse ne’e hetan partisipa másimu husi Prezidente Repúblika, Membru Governu, Parlamentu Nasionál no Tribunál, inkluin mós husi Funsaun Públiku, Ministru Interior, Sekretáriu Estadu Igualidade Inkluzaun. (*)