Print this page

Komandu PNTL Atribui Konfiansa ba Alex Samurai Lidera Eskuadra Dom Aleixo

Inspetór Polisia Alexandrino da Costa ‘Alex Samurai’. Inspetór Polisia Alexandrino da Costa ‘Alex Samurai’. Foto Suplay

Tempotimor (Dili)-Komandu Jerál Polísia Nasionál Timor-Leste (PNTL), Komisáriu Faustino da Costa, atribui konfiansa ba Inspetór Alexandrino da Costa ‘Alex Samurai’ atu lidera PNTL Eskuadra Dom Aleixo hodi Subtitui Inspestór Asistente Americo Fatima.

Alenxandrino da Costa ‘Samurai’, ne’ebé antes ne’e lidera PNTL Eskuadra PNTL Kristu Rei durante tinan ida nia laran, hafoin kontinua hetan konfiansa ba eskuadra Postu Dom Aleixo.

Ba mudansa ne’ebé halo husi Komandu PNTL ba Postu no Komandu Munisípiu sira, tanba orden servisu norm’al akontese iha instituisaun seguransa Estadu no defeza nia, inklui funsionáriu sira públiku sira.

“Tanba, dala ruma ita-nian polemiku no públiku ne'e hanoin katak transfere ne'e tanba iha buat ruma, maibé hanesan militár no polísia ne’e servisu tinan ida ka tinan rua prontu atu tranfere ba ne'ebé de’it, Siknifika katak kuandu tama iha Militar ka Polísia ne’e ita-nia kompromisiu ida, ita moris iha sistema nian laran no sistema mak regula ita, tanba ne’e tenke kompri orden ne'ebé mak mai husi ita-nian komandu Jerál”, dehan Alex Samurai,  iha eskuadra Kristu Rei, Bekora, segunda (27/06).

Ba transferensia ne’ebé komandu PNTL halo, la'ós kestaun iha faillansu servisu mak halo tranferénsia hodi ba fali servisu iha eskuadra Dom Aleixo, maibé orden no mudansa ne’ebé sempre akontese iha instituisaun seguransa.

“Ha’u la bele ko’alia katak, ha’u iha faillansu ou laiha faillansu, ha’u hanesan komadante eskuadra mak loroloron organiza membru sira atu servisu no servi ba estadu no servisu ba povu no servisu ba Governu, atu bele ita iha dame no estabilidade nia laran, no prevesaun ba krime atu ema hothotu iha liberdade, ida-ne'e mak ita hanesan hala’o”, hatete nia.

Tanba atu muda filafali ba eskuadra Dom Aleixo hodi komanda membru sira iha Dom Aleixo, maibé misaun hanesan servi ba povu no servi Estadu no prevensaun ba povu no krime atubele asegura nasaun.

“Agora, ita-nia povu barak presiza ita-nia esforsu-an no esforsu ita-nia presenza atubele asegura sira, karik sira iha problema ruma iha ne’eba”, afirma nia.

Tanba ema hothotu hatene, eskuadra Dom Aleixo, númeru judiku boot, populasaun ne’ebé maioria mai husi munisípiu, tanba ne’e konsentradu iha ne'ebá, tantu internasionál mós husi Munisípiu sira.

“Entaun ida-ne’e, aumenta tan servisu ida luan oituan maibé ita la bele pensamentu katak, servisu ne’e todan ne’e laiha, hanesan polísia no hanesan komadante ita tenke forsa atubele servisu nafatin no fó ajuda ita nia populasaun no ita-nia povu no situasaun liliu iha Dom Aleixo nian”, katak nia.

Inspetór Alexandrino da Costa ‘Alex Samurai’ rasik ho nian esperiénsia servisu durante ne’e, Komadante very important person (VIP) internasionál iha Korpu Seguransa Pesoál (CSP) tinan 3, komadante Pelotaun ba Gabinete Eis-Primeiru Ministru, Rui Maria de Araújo tinan 2, Komadante Korpu Diplomátiku ba Embaisadór hotu iha Timor-Leste tinan 2, Koordenadór seguransa iha Parlamentu Nasionál tinan 3, sai Xefe Treinamentu ba CSP tinan 2 inklui mós komadante peletaun ba Eis-Prezidente Repúblika, Taur Matan Ruak, Komadante Eskuadra Kristu Rei-Bekora tinan 1 no ikus liu mak hetan konfiansa ba lidera PNTL Eskuadra Dom Aleixo-Komoro. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items