Tempotimor (Dili)-Sentru Nasionál CHEGA (CNC) deimina informasaun kona-ba memória Pasadu nian ba Unidade Polísia Marrítima (UPM) atu asegura ema hotu bele hetan informasaun bazeia relatóriu CHEGA nian.

Diretór Divizaun Relasaun Esternál Komunikasaun no Advokasia-CNC, Gaudencio Soares de Sousa hatete, desiminasaun informasaun kona-ba memória Pasadu nian ba UPM atu asegura ema hotu.

“Objetivu atividade ohin nian ne’e oinsá mak halo dezaminasaun informasaun ba maluk polísia sira husi UPM kona-ba memoria Pasadu ninian ne’ebé mak rekorda ona iha relatóriu CHEGA no pre-memória”, dehan nia ba jornalista sira iha Kuartel UPM, Lesidere, tersa (21/06).

Desiminasaun ne’e sei la’ós to'o de’it iha Unidade Polísia Marrítima (UPM) maibé mós ba unidade sira seluk ne’ebé mak iha Polísia Nasionál Timor-Leste (PNTL) nian.

“Bairua sei halo ba Task Force, depois sei halo ba unidade BOP (Batallaun Orden Públiku) nian iha perumnas ne’ebá”, hatete nia.

Tanba Sentru CHEGA hakarak dasimina relatóriu ne'e bazeia ba rekomedasaun CHEGA nian kona-ba oinsá Estadu kontinua fahe informasaun liga ba violasaun direitu umanu ne’ebé mak hasoru atu labele akontese tan iha futuru mai no oinsá asegura atu ema hothotu simu informasaun ne'e ho di’ak.

Alende ne'e, Segundu Komandante Unidade Polísia Marrítima, Inspetór Xefe Aniceto da Silva hatete, nia parte agradese ba sentru CHEGA tanba bele fahe ona informasaun istória Timor nian ba membru Polísia Marrítima ho idade foinsa’e sira ne’ebé mak seidauk apar iha tempu funu nian.

“Desimina informasaun kona-ba istória Timór nian mai iha Unidade Polísia Maritima ne’ebé luta husi 1974-1999 b unidade tomak bele apar ho situasaun ida ne’e tanba ita nia membru sira ne’ebé mak iha UPM ne’ebé ho idade nurak sira ladún koñese di’ak kona-ba istória Timor husi Hahú to’o ramata”, dehan nia.

Hafoin desminasaun informasaun relasiona ho memória Pasadu ekipa Tékniku CNC sei lori Membru UPM vizita fatin Istóriku sira iha Munisípiu Dili laran. (*)