“Servisu Alfándega no servisu migrasaun ho orgaun investigasaun kriminál sira hotu hala’o sira-nia servisu mesak importante hotu, agora problema ba sira mak menus rekursu umanu, menus koñesementu, depois laiha fasilidade ida adekuadu hodi deteta ba importasaun sira ne'ebé mak tuir lei kontra bandu”, dehan Abel Amaral, iha Bairu Sentrál, kinta (16/06).
Nune'e husu atu Estadu hahú investe maka’as ba instituisaun ne'ebé mak sira ne'e, tanba sira hotu serbisu di'ak atubele kontinua nafatin ho performasaun ne’ebé di’ak.
Maibé difikuldade ba sira mak fasilidade no rekursu umanu, ba ida-ne’e presiza formasaun regular ka treinamnetu ba sira, nune'e sira bele deteta saida mak lei ne'e bandu.
“Kuandu laiha investe, laiha fasilidade ne’e atu atinje susesu ne’e susar, tanba ne’e ita la bele fó kulpa ba instituisaun hirak ne’e, maibé ita tenke izeje Estadu kontribui ka investe”, dehan nia. (*)