Tempotimor (Dili) – Sekretáriu Estadu Protesaun Sivíl (SEPS), Alexandrino Xavier de Araújo hatete, presiza elabora ideia husi nasionál no internasionál liuliu nasaun Austrália, Portugál no Indonézia para bele halo kompleta lei baze kona-ba Protesaun Sivíl, ne'ebé dadaun ne'e prepara hela.
Nia dehan, tan ida ne'e SEPS kria seminar internasionál ida atu bele fasilita ba elaborasaun ideia hotu-hotu, tantu nasionál no internasionál. Iha seminar ne'e, oradór sira mai husi Austrália, Portugál no Indonézia, inklui Ministru Defesa no Seguransa (MDS), Filomeno da Paixão de Jesus.
"Presiza elabora hotu ideias hodi kompleta tiha, hafoin submete ba Konsellu Ministru i kontinua mós ba Parlamentu Nasionál," tenik Alexandrino.